Rydym yn recriwtio ar gyfer dwy rôl newydd, sef Swyddog Mewnwelediadau Data a Rheolwr Ymgysylltu Digidol TSSW.
PAM GWEITHIO YN CGGC?
Yn CGGC rydym yn cynnig ystod eang o fuddion a chyflogaeth hyblyg sy’n gwneud gwahaniaeth.
Fel cyflogwr, gall CGGC (Cyngor Gweithredu Gwirfoddol Cymru) gynnig nifer o fuddion fel gweithio hybrid a hyblyg, pensiwn ar 9% o’ch cyflog a mynediad at raglen cymorth i gyflogeion.
Mae CGGC yn buddsoddi yn ei gyflogeion a’u datblygiad. Yn ogystal â bod yn Gyflogwr Cyflog Byw, sy’n ymrwymedig i dalu cyflog byw gwirioneddol i’w staff, mae CGGC wedi ennill achrediad Buddsoddwyr mewn Pobl.
Darganfyddwch fwy am weithio i CGGC.
SWYDDOG MEWNWELEDIADAU DATA
Oriau: 35 awr yr wythnos, hyblyg
Lleoliad: Mae gan CGGC bolisi gweithio hybrid a hyblyg ar waith, sy’n golygu y gall ein pobl weithio cyfran o’u hamser yn ein swyddfeydd neu o bell (gan gynnwys gartref). Rydym yn fudiad Cymru gyfan gyda chanolfannau swyddfa yn Aberystwyth a Caerdydd, ac mae gennym staff hybrid yn gweithio ledled Cymru, gan gynnwys nifer wedi’u lleoli yng Ngogledd Cymru. Bydd angen mynychu rhai digwyddiadau staff a galwadau gwaith penodol yn ein swyddfeydd.
Cyflog: £33,286 yn cynyddu i £37,464 y flwyddyn ar ôl cwblhau chwe mis o gyfnod prawf yn llwyddiannus.
Ynglŷn â’r rôl: Bydd y Swyddog Mewnwelediadau Data yn helpu CGGC i wella’r ffordd rydym yn casglu ac yn defnyddio data, gan ganolbwyntio i ddechrau ar Faromedr newydd Sector Gwirfoddol Cymru – adnodd arloesol i gael gafael ar dystiolaeth ddibynadwy am y sector yng Nghymru. Bydd y rôl hon hefyd yn gwella’r ffordd rydym yn defnyddio ac yn cwestiynu’r data o’n platfformau presennol, ynghyd â ffynonellau allanol, trwy gynhyrchu mewnwelediadau i gefnogi ein gwaith ar ddylanwadu ar bolisïau cyhoeddus a chyflawni cymorth effeithiol i’r sector.
Dyddiad cau: 9 Medi 2025
Darllenwch y disgrifiad swydd llawn ar Recruit3
RHEOLWR YMGYSYLLTU DIGIDOL TSSW
Oriau: 35 awr yr wythnos, hyblyg
Lleoliad: Mae gan CGGC bolisi gweithio hybrid a hyblyg ar waith, sy’n golygu y gall ein pobl weithio cyfran o’u hamser yn ein swyddfeydd neu o bell (gan gynnwys gartref). Rydym yn fudiad Cymru gyfan gyda chanolfannau swyddfa yn Aberystwyth a Caerdydd, ac mae gennym staff hybrid yn gweithio ledled Cymru, gan gynnwys nifer wedi’u lleoli yng Ngogledd Cymru. Bydd angen mynychu rhai digwyddiadau staff a galwadau gwaith penodol yn ein swyddfeydd.
Cyflog: £39,337 yn cynyddu i £44,274 y flwyddyn ar ôl cwblhau chwe mis o gyfnod prawf yn llwyddiannus.
Ynglŷn â’r rôl: Mae hwn yn gyfle allweddol i lunio ansawdd, hygyrchedd a gwelededd platfformau digidol TSSW. Byddwch yn arwain y gwaith o gyd-gynhyrchu strategaeth ar gyfer y cynnwys, prosesau golygyddol, ymgysylltu â defnyddwyr, gwelliannau i systemau a gweithgareddau marchnata, gan sicrhau bod ein platfformau yn effeithiol, yn gynhwysol ac yn canolbwyntio ar y defnyddwyr.
Dyddiad cau: 10 Medi 2025
Darllenwch y disgrifiad swydd llawn ar Recruit3
SUT I YMGEISIO
I ymgeisio, lawrlwythwch y pecyn cais isod:
Croesawir ceisiadau Cymraeg ac ni fyddant yn cael eu trin yn llai ffafriol na cheisiadau Saesneg.