Ymgynghoriad ar y Papur Gwyn Gofal Cymdeithasol: ‘rhaid i’r gofal ganolbwyntio ar ddinasyddion a chael ei gydgynhyrchu’

Ymgynghoriad ar y Papur Gwyn Gofal Cymdeithasol: ‘rhaid i’r gofal ganolbwyntio ar ddinasyddion a chael ei gydgynhyrchu’

Cyhoeddwyd : 16/04/21 | Categorïau: Dylanwadu |

Mae CGGC wedi ymateb i ymgynghoriad Llywodraeth Cymru ar ei Bapur Gwyn ar gyfer ailgydbwyso gofal cymdeithasol yng Nghymru.

Roedd y Papur Gwyn yn nodi nifer o gynigion ar gyfer gwella trefniadau gofal cymdeithasol a chryfhau gweithio mewn partneriaeth i gefnogi llesiant pobl yn well ledled y wlad. Ar ôl cyhoeddi’r Papur Gwyn, trefnodd CGGC ddau ddigwyddiad er mwyn i’r sector gael rhoi ei farn arno a’r cwestiynau oedd yn cyd-fynd â’r ymgynghoriad. Cafodd yr adborth ei ymgorffori yn ein hymateb llawn, sydd ar gael i’w ddarllen yma.

Ynddo, rydyn ni’n gwneud nifer o bwyntiau, gan gynnwys y canlynol:

  • Y teimlad oedd nad oedd cwestiynau’r ymgynghoriad yn canolbwyntio’n ddigonol ar ddinasyddion a’u bod yn anwybyddu’r problemau a welwyd ar lawr gwlad ac yn y gymuned.
  • Prin iawn yw’r gydnabyddiaeth am gydgynhyrchu yn y Papur Gwyn. Mae’n rhaid cael ymrwymiad ffurfiol i gydgynhyrchu sy’n mynd y tu hwnt i Ddeddf Gwasanaethau Cymdeithasol a Llesiant (Cymru) 2014.
  • Mae angen rhagor o eglurder ynghylch sut bydd gwerth cymdeithasol yn cael ei fesur.
  • Rhaid creu amgylchiadau lle mae sefydliadau lleol yn cael maes chwarae cytbwys i ddarparu gwasanaethau pwrpasol a theilwredig drwy brosesau comisiynu gwerth cymdeithasol.
  • Dylai cynlluniau cymorth a gofal ffurfio sail y fframwaith cenedlaethol – nid i’r gwrthwyneb.
  • Mae gwirfoddolwyr yn ganolog i lwyddiant rhagnodi cymdeithasol.
  • Mae’n ymddangos fod comisiynu yn dal i ganolbwyntio ar gost a chanfod y gwasanaeth rhataf sydd ar gael, sy’n golygu bod rhai yn cael triniaeth sy’n llai digonol nag sydd ei angen. Rhaid i’r gwaith o gomisiynu gynnwys defnyddwyr gwasanaethau a gofalwyr.
  • Mae problemau ynghylch sut mae Byrddau Partneriaeth Rhanbarthol yn cydweithio gydag eraill ac yn cyd-gynllunio’u gwasanaethau.
  • Dylid adolygu strwythurau a dull Byrddau Partneriaeth Rhanbarthol o weithio cyn rhoi rhagor o bwerau iddyn nhw.
  • Dylid annog cynllunio strategol a darparu adnoddau gwirfoddoli fel rhan hanfodol o iechyd a gofal cymdeithasol a galluogi hynny ar lefel Bwrdd Partneriaeth Rhanbarthol.
  • Rhaid i Lywodraeth Cymru bennu sail dystiolaeth glir ynghylch sut bydd ei chynigion yn ateb egwyddorion Deddf Gwasanaethau Cymdeithasol a Llesiant (Cymru) 2014.

Gallwch ddarllen ein hymateb yn llawn yma.

Newyddion cysylltiedig

Cyhoeddwyd: 11/11/21 | Categorïau: Dylanwadu |

‘A Beth am Gymru?’ – ymchwil newydd ar elusennau’r DU yng Nghymru

Darllen mwy

Cyhoeddwyd: 24/09/21 | Categorïau: Dylanwadu | Newyddion |

Mae CGGC yn poeni ynghylch heriau bancio i’r sector gwirfoddol

Darllen mwy

Cyhoeddwyd: 23/09/21 | Categorïau: Dylanwadu |

Cyfleoedd i ddylanwadu: dweud eich dweud ar bolisïau Llywodraeth Cymru

Darllen mwy