Yn dilyn lansiad Pecyn ymgyrch Wythnos Gwirfoddolwyr 2021, mae Is-grŵp Wythnos Gwirfoddoli Cymru am rannu’r hyn y maen nhw a rhai o’u partneriaid wedi’u cynllunio ar gyfer 1 – 7 Mehefin.
Mae ein haelodau a’n partneriaid ehangach wedi bod yn myfyrio ar themâu’r ymgyrch ar gyfer yr Wythnos Gwirfoddolwyr eleni, yn ogystal â meddwl am gynlluniau i ddathlu’r gwahanol fathau o wirfoddoli ledled y wlad. Gobeithio y bydd yr enghreifftiau canlynol yn eich ysbrydoli:
- Mae Cyngor Gwasanaeth Gwirfoddol Abertawe (SCVS) yn cynllunio bore coffi ar gyfer siaradwyr a dysgwyr Cymraeg gyda chymorth y Menter Iaith leol
- Bydd Partneriaethau Natur Lleol (LNP) Cymru yn hyrwyddo Wythnos Natur Cymru gan ddefnyddio’r hashnod #WNW2021 i gydnabod y gwirfoddoli sy’n cael ei wneud i helpu byd natur.
- Mae Cadwch Gymru’n Daclus yn annog #ArwyrSbwriel i gynorthwyo â’u Hymgyrch Gwanwyn Glân Cymru rhwng 28 Mai – 13 Mehefin er mwyn helpu i lanhau’r ardaloedd sydd wedi bod yn noddfa i ni yn ystod y cyfnod clo.
Rydyn ni’n edrych ymlaen at weld yr amrywiaeth a’r ehangder o weithgareddau a fydd ar waith ledled y DU yn ystod Wythnos Gwirfoddolwyr ac yn gobeithio gweld eich mudiadau a’ch gwirfoddolwyr chi’n dathlu ar draws gyfryngau cymdeithasol. Defnyddiwch yr hashnodau #WythnosGwirfoddolwyr a #VolunteersWeek er mwyn i ni allu hoffi a rhannu.
DIOLCH I’R IS-GRŴP WYTHNOS GWIRFODDOLWYR
Hoffai CGGC ddiolch i aelodau’r is-grŵp sydd wedi dod ynghyd yn ystod y misoedd diwethaf i gyfrannu at greu cynnwys ymgyrch cenedlaethol ar gyfer Cymru. Yr Aelodau eleni yw:
- Cymdeithas Sefydliadau Gwirfoddol Pen-y-bont ar Ogwr (BAVO)
- Ymddiriedolaeth Chwaraeon Ieuenctid (Saesneg yn unig)
- RSPB
- Partneriaethau Natur Lleol (LNP) Cymru
- Cyngor Trydydd Sector Caerdydd (C3SC)
- Cymdeithas Mudiadau Gwirfoddol Gwent (GAVO) (Saesneg yn unig)
- Cymdeithas Mudiadau Gwirfoddol Wrecsam (AVOW) (Saesneg yn unig)
- Cymdeithas Gwasanaethau Gwirfoddol Sir Benfro (PAVS)
- Cadwch Gymru’n Daclus
DDIM YN BAROD ETO AR GYFER WYTHNOS GWIRFODDOLWYR?
Ewch i wefan CGGC i lawrlwytho’r pecyn ymgyrch ac adnoddau eraill a fydd yn eich helpu i ddathlu gwirfoddoli.
EISIAU CYFRANNU MWY AT GYNLLUNIO YMGYRCHOEDD GWIRFODDOLI?
Rydyn ni’n dod â chydweithwyr o bob rhan o’r sector ynghyd yn gyson i gynllunio a pharatoi ar gyfer ymgyrchoedd – i ymuno â thrafodaethau yn y dyfodol, cysylltwch â’ch CVC lleol gan ddefnyddio’r rhestr hon o fanylion cysylltu lleol neu cysylltwch â Nicola Nicholls, CGGC, yn nnicholls@wcva.cymru.