Dydd 1 – 13 Tachwedd 2025
Dydd 2 – 19 Tachwedd 2025
10 am – 1 pm | Ar-lein
Cyflwynir drwy gyfrwng y Saesneg
2 x sesiwn 3 awr / ar-lein
Amcanion
Rhoi’r sgiliau a’r technegau ymarferol i chi fynd ati’n hyderus i reoli sefyllfaoedd anodd yn eich rôl.
Cynnwys
Ydych chi’n dod ar draws sefyllfaoedd heriol yn eich gwaith? Waeth a ydych chi’n weithiwr cymorth neu yn rhyngweithio’n rheolaidd â’r cyhoedd, mae cyflogeion a gwirfoddolwyr y sector gwirfoddol yn wynebu gwrthdaro, rhyngweithiadau emosiynol a phryderon diogelu’n aml.
Bydd y cwrs rhyngweithiol hwn yn eich helpu i:
- fyfyrio ar eich ymddygiadau a’ch ymatebion eich hun
- edrych ar ystyriaethau diogelu allweddol
- datblygu dealltwriaeth glir o bendantrwydd
- dysgu technegau ymarferol i reoli achosion o wrthdaro mewn modd adeiladol
Canlyniadau dysgu
Erbyn diwedd y cwrs, byddwch yn gallu:
- adnabod eich ymddygiadau eich hun a’r ffordd rydych yn ymateb mewn sefyllfaoedd gwahanol
- deall sut i fod yn bendant a rheoli ffiniau
- defnyddio technegau i ymdrin â sefyllfaoedd anodd yn hyderus
Ar gyfer pwy mae’r cwrs
Mae’r cwrs hwn yn berffaith i unrhyw un sydd angen ymdrin â phobl yn unigol ac mewn grwpiau bach, e.e. gweithwyr cymorth, gweithwyr rheng flaen, gwirfoddolwyr.
Gofynion y cwrs
Er mwyn gwneud yn siŵr eich bod yn cael y profiad gorau ar ein cyrsiau, gofynnwn y canlynol ohonoch chi;
- Ymrwymwch i fynychu holl hyd yr hyfforddiant
- Profwch eich mynediad i Zoom
- Bydd yr hyfforddiant yn dechrau’n brydlon, cyrhaeddwch 10 munud cyn yr amser dechrau, oherwydd mae’n bosibl na fydd pobl sy’n cyrraedd yn hwyr yn cael eu gadael i mewn
- Mae ein cyrsiau’n rhyngweithiol a chyfranogol a gofynnwn, lle’n bosibl, i’r holl ddysgwyr gael eu camerâu arno a chymryd rhan drwy’r cyfleusterau microffon a sgwrsio
- Rhowch wybod i ni wrth gadw’ch lle os oes gennych chi unrhyw ofynion penodol, e.e. dehonglwyr Iaith Arwyddion Prydain (BSL)
- Bydd cyfarwyddiadau ymuno ac adnoddau yn cael eu hanfon drwy LUMA, ein ap bwcio ar-lein, sicrhewch fod hysbysiadau gan LUMA wedi’u galluogi er mwyn cael yr wybodaeth ddiweddaraf
- Os na allwch chi fynychu, anfonwch e-bost at training@wcva.cymru (gweler ein polisi canslo)
UCHAFSWM o ddau le i bob mudiad
Os nad ydych chi’n siŵr a ydych chi’n aelod, gwiriwch yma
I gael eich ychwanegu at restr aros cwrs neu weminar cliciwch yma.
Gellir cyflwyno pob un o’n cyrsiau mewn modd pwrpasol wedi’u teilwra er mwyn diwallu anghenion eich mudiad. Llenwch ein ffurflen gais am hyfforddiant pwrpasol ac fe wnaiff aelod o’n tîm ni’n cysylltu â chi.
Os oes gennych chi unrhyw ymholiad arall, anfonwch e-bost at training@wcva.cymru. Gallwch chi gofrestru ar ein rhestr bostio i dderbyn diweddariadau bob wythnos/mis.