A man with headphones on at a desktop computer next to a window

Cyfryngau cymdeithasol ar gyfer y sector gwirfoddol

Categorïau: Cyfathrebu, Wedi’i deilwra yn unig,

Dydd 1 – 29 Ionawr 2026
Dydd 2 – 5 Chwefror 2026
10 am – 1 pm | Ar-lein

Cyflwynir drwy gyfrwng y Saesneg

2 x sesiwn 3 awr / ar-lein

Amcanion

Edrych ar sut y gall eich elusen neu’ch grŵp cymunedol ddefnyddio’r cyfryngau cymdeithasol yn fwy effeithiol i ennyn diddordeb a dylanwadu ar eich cynulleidfa.

Cynnwys

Mae cyfryngau cymdeithasol wedi newid llawer yn ystod y blynyddoedd diwethaf, gan ei gwneud hi’n anoddach i elusennau a mudiadau nid-er-elw fod yn llwyddiannus ar gyfryngau cymdeithasol.

Fodd bynnag, mae modd cael cyrhaeddiad organaidd ac ymwelwyr ar Facebook a Twitter o hyd, ond ei fod yn gofyn am gynllunio gofalus a dulliau gweithredu strategol.

Mae’r cwrs hwn wedi’i anelu’n benodol at elusennau i’w helpu i ddweud eu dweud ar-lein.

Canlyniadau dysgu

  • Sut mae cyfryngau cymdeithasol yn gweithio yn y dirwedd gyfredol
  • Sut i nodi rhwystrau unigol a sefydliadol i ddefnyddio cyfryngau cymdeithasol
  • Pa fathau o gynnwys sy’n perfformio’n dda ar gyfryngau cymdeithasol ar hyn o bryd
  • Sut i lunio negeseuon unigryw a diddorol ar gyfer eich platfformau cymdeithasol amrywiol
  • Sut i ddechrau ar strategaeth cyfryngau cymdeithasol eich elusen

Ar gyfer pwy mae’r cwrs

Anelir y cwrs hwn at staff neu wirfoddolwyr sy’n gobeithio datblygu eu sgiliau cyfathrebu ac ymgysylltu digidol. Nid yw’r cwrs yn benodol i ‘ddechreuwyr’ nac i ‘arbenigwyr’, croesawir pob lefel o allu technegol gan fod y cwrs hwn yn ymdrin â dulliau a thechnegau i’ch mudiad trydydd sector ffynnu ar-lein.

Gofynion y cwrs – darllenwch cyn archebu

Yr hyn rydym ni’n ei ofyn gennych chi:

  • Sicrhewch eich bod yn mynychu’r holl hyfforddiant.
  • Profwch eich mynediad Zoom cyn mynychu.
  • Cyrhaeddwch 5 munud yn gynnar – mae’n bosibl na fydd pobl sy’n cyrraedd yn hwyr yn cael mynediad.
  • Cadwch eich camera ymlaen a chymerwch ran drwy’r microffon/sgwrs lle’n bosibl.
  • Rhowch wybod i ni pan fyddwch yn archebu os oes gennych unrhyw ofynion mynediad (e.e. cyfieithydd Iaith Arwyddion Prydain (BSL)).
  • Sicrhewch eich bod yn gallu derbyn hysbysiadau gan LUMA fel y gallwch dderbyn cyfarwyddiadau ymuno ac adnoddau.
  • Os na allwch fynychu, e-bostiwch archebion@wcva.cymru (gweler ein polisi canslo).

UCHAFSWM o ddau le i bob mudiad

Angen help neu ragor o wybodaeth?

Os nad ydych chi’n siŵr a ydych chi’n aelod, gwiriwch yma

I gael eich ychwanegu at restr aros cwrs neu weminar cliciwch yma.

Gellir cyflwyno pob un o’n cyrsiau mewn modd pwrpasol wedi’u teilwra er mwyn diwallu anghenion eich mudiad. Llenwch ein ffurflen gais am hyfforddiant pwrpasol ac fe wnaiff aelod o’n tîm ni’n cysylltu â chi.

Os oes gennych chi unrhyw ymholiad arall, anfonwch e-bost at training@wcva.cymru. Gallwch chi gofrestru ar ein rhestr bostio i dderbyn diweddariadau bob wythnos/mis.

Yn ôl at hyfforddiant