Diwrnod 1 – 18 Medi 2024
Diwrnod 2 – 19 Medi 2024
Diwrnod 3 – 15 Hydref 2024
10 am – 4 pm | Caerdydd
Cyflwynir drwy gyfrwng y Saesneg
Amcanion
Achrededig gan Agored Cymru
Eich galluogi i ddeall rôl yr hwylusydd, gan hybu’ch sgiliau presennol a dysgu sgiliau a thechnegau hwyluso amrywiol i chi.
Cynnwys
Ydych chi erioed wedi bod mewn cyfarfod sy’n teimlo fel pe bai’n llithro’n raddol allan o reolaeth? Neu sesiwn lle mae’ch agenda wedi’i gadael yn chwifio megis baner wen yn y gwynt tra mae dau o’ch cyfranogwyr yn dadlau?
Bydd ein cwrs Hwyluso Effeithiol achrededig yn eich helpu i ddatblygu sesiynau cyfranogol strwythuredig a phwrpasol, lle gallwch ysgogi trafodaeth a chynnal yr awdurdod angenrheidiol i gael yr atebion y mae arnoch eu hangen.
Byddwch yn dod i ddeall rôl yr hwylusydd, yn dysgu i gynllunio a rhedeg digwyddiadau a hwylusir yn effeithiol, yn dysgu ac yn ymarfer ystod o dechnegau hwyluso gan gynnwys adeiladu consensws, technegau cwestiynu, dulliau pleidleisio a graddio. Bydd y cwrs hefyd yn ystyried pendantrwydd a sut i reoli gwrthdaro a sefyllfaoedd anodd.
Bydd yn gwrs cyfranogol lle caiff cyfranogwyr y cyfle i ystyried ac ymarfer hwyluso mewn amgylchedd dysgu diogel.
Canlyniadau dysgu
Ar ôl mynychu’r cwrs yma byddwch yn gallu…
- Disgrifio egwyddorion o gyfranogi, hwyluso ac adeiladu consensws yn effeithiol
- Gwerthuso sgiliau allweddol a gwerthoedd a ddefnyddir mewn hwyluso
- Rhoi technegau adeiladu consensws ar waith
- Gweithredu ystod o dechnegau cwestiynu
- Dangos amrywiaeth o dechnegau pleidleisio a graddio
- Nodi ffyrdd i fod yn fwy pendant
- Deall ffyrdd i ddelio â gwrthdaro a sefyllfaoedd anodd
- Gwybod ble i gael gafael ar adnoddau ychwanegol
Ynglŷn â’r hyfforddwr
Ganed Alain Thomas, y prif ymgynghorydd, ym Merthyr Tudful, ym 1954. Mae ganddo 12 mlynedd o brofiad fel ymarferydd datblygu cymunedol ac mae e’ wedi bod yn ymgynghorydd datblygu cymunedol ers 1989. Mynychodd Ysgol Uwchradd Afon Taf ym Merthyr Tudful ac mae ganddo radd anrhydedd (Prifysgol Cymru Aberystwyth) a chymwysterau ôl-raddedig mewn Gweinyddiaeth Gymdeithasol (Prifysgol Manceinion), a Gwaith Cymdeithasol Cymunedol (Prifysgol Cymru Abertawe).
Sefydlwyd Alain Thomas Consultancy ym 1989 i ddarparu cymorth costeffeithiol a hyblyg i fudiadau o bob math sy’n ymwneud â datblygu cymunedol. Gall Alain Thomas Consultancy alw ar wasanaethau sawl ymgynghorydd cyswllt sy’n meddu ar sgiliau a phrofiad ategol.
Ar gyfer pwy mae’r cwrs
Caiff y cwrs hwn ei anelu at y rheini sydd am ddatblygu a gwella eu sgiliau hwyluso i’w galluogi i hwyluso cyfarfodydd a digwyddiadau yn effeithiol gyda dinasyddion, cymunedau, colegau a phartneriaethau.
Rhagor o wybodaeth
Codir ffi cofrestru o £21 y pen ar y rheini sy’n cofrestru i gwblhau’r asesiad Agored Cymru.
Gofynion y cwrs
Er mwyn gwneud yn siŵr eich bod yn cael y profiad gorau ar ein cyrsiau, gofynnwn y canlynol ohonoch chi;
- Ymrwymwch i fynychu holl hyd yr hyfforddiant
- Bydd yr hyfforddiant yn dechrau’n brydlon, cyrhaeddwch 15 munud cyn yr amser dechrau, oherwydd mae’n bosibl na fydd pobl sy’n cyrraedd yn hwyr yn cael eu gadael i mewn
- Rhowch wybod i ni wrth gadw’ch lle os oes gennych chi unrhyw ofynion penodol, e.e. dehonglwyr Iaith Arwyddion Prydain (BSL)
- Bydd copi dall o’r cyfarwyddiadau ymuno ac adnoddau yn cael ei anfon atoch gan bookings@wcva.cymru, gwiriwch eich ffolder e-bost sothach os nad ydych chi wedi’u derbyn wythnos cyn yr hyfforddiant (unrhyw broblemau, rhowch wybod i ni)
- Os na allwch chi fynychu, anfonwch e-bost at training@wcva.cymru (gweler ein telerau ac amodau hyfforddiant/polisi canslo)
UCHAFSWM o ddau le i bob mudiad
Os nad ydych chi’n siŵr a ydych chi’n aelod, gwiriwch yma
I gael eich ychwanegu at restr aros cwrs neu weminar cliciwch yma.
Gellir cyflwyno pob un o’n cyrsiau mewn modd pwrpasol wedi’u teilwra er mwyn diwallu anghenion eich mudiad. Llenwch ein ffurflen gais am hyfforddiant pwrpasol ac fe wnaiff aelod o’n tîm ni’n cysylltu â chi.
Os oes gennych chi unrhyw ymholiad arall, anfonwch e-bost at training@wcva.cymru. Gallwch chi gofrestru ar ein rhestr bostio i dderbyn diweddariadau bob wythnos/mis.