Dydd 1 – 4 Mawrth 2025
Dydd 2 – 26 Mawrth 2025
10 am – 4 pm | Caerdydd
Cyflwynir drwy gyfrwng y Saesneg
2 x sesiwn 6 awr / ystafell ddosbarth
Amcanion
Rhoi’r wybodaeth, y sgiliau a’r offer sydd eu hangen arnoch i reoli llinell gan ddefnyddio dulliau hyfforddi.
Cynnwys
Mae’r cwrs hwn yn mynd ati’n ymarferol i ymdrin â rheoli llinell ar sail technegau hyfforddi sy’n cynnig golau (her) a chynhesrwydd (cymorth) yn y gydberthynas rhwng y rheolwr a’r aelod staff neu wirfoddolwyr. Byddwch chi’n cael yr wybodaeth, y sgiliau a’r adnoddau i’ch galluogi chi i gael ‘sgwrs hyfforddi’ bositif, rymusol ac effeithiol. Bydd y rhain yn sgiliau trosglwyddadwy y gallwch eu defnyddio mewn lliaws o gyd-destunau gwahanol.
Bydd y pynciau yr ymdrinnir â nhw yn cynnwys modelau hyfforddi, gosod nodau, gwrando gweithredol, gofyn cwestiynau craff, rhoi adborth a chynnwys her, a meithrin a chynnal llesiant yn y gwaith.
Canlyniadau dysgu
Erbyn diwedd y cwrs, bydd cyfranogwyr wedi dysgu/yn gallu:
- Defnyddio sgiliau ac egwyddorion hyfforddi wrth reoli llinell
- Deall modelau hyfforddi gwahanol
- Defnyddio sgiliau hyfforddi’n hyderus – gosod nodau, gwrando’n weithredol, gofyn cwestiynau craff, rhoi adborth a chynnwys her
- Cael dealltwriaeth well o sut i rymuso pobl i ysgwyddo cyfrifoldeb a gwneud penderfyniadau drostynt eu hunain
- Defnyddio dulliau hyfforddi mewn cyd-destunau gwaith gwahanol, e.e. goruchwyliaeth
- Gweithredu strategaethau ar gyfer meithrin a chynnal llesiant yn y gwaith.
Ar gyfer pwy mae’r cwrs
Mae’r cwrs hwn i reolwyr ar bob lefel o fudiad, gan gynnwys rheolwyr gwirfoddolwyr.
Gofynion y cwrs
Er mwyn gwneud yn siŵr eich bod yn cael y profiad gorau ar ein cyrsiau, gofynnwn y canlynol ohonoch chi;
- Ymrwymwch i fynychu holl hyd yr hyfforddiant
- Profwch eich mynediad i Zoom
- Bydd yr hyfforddiant yn dechrau’n brydlon, cyrhaeddwch 10 munud cyn yr amser dechrau, oherwydd mae’n bosibl na fydd pobl sy’n cyrraedd yn hwyr yn cael eu gadael i mewn
- Mae ein cyrsiau’n rhyngweithiol a chyfranogol a gofynnwn, lle’n bosibl, i’r holl ddysgwyr gael eu camerâu arno a chymryd rhan drwy’r cyfleusterau microffon a sgwrsio
- Rhowch wybod i ni wrth gadw’ch lle os oes gennych chi unrhyw ofynion penodol, e.e. dehonglwyr Iaith Arwyddion Prydain (BSL)
- Bydd cyfarwyddiadau ymuno ac adnoddau yn cael eu hanfon drwy LUMA, ein ap bwcio ar-lein, sicrhewch fod hysbysiadau gan LUMA wedi’u galluogi er mwyn cael yr wybodaeth ddiweddaraf
- Os na allwch chi fynychu, anfonwch e-bost at training@wcva.cymru (gweler ein polisi canslo)
UCHAFSWM o ddau le i bob mudiad
Os nad ydych chi’n siŵr a ydych chi’n aelod, gwiriwch yma
I gael eich ychwanegu at restr aros cwrs neu weminar cliciwch yma.
Gellir cyflwyno pob un o’n cyrsiau mewn modd pwrpasol wedi’u teilwra er mwyn diwallu anghenion eich mudiad. Llenwch ein ffurflen gais am hyfforddiant pwrpasol ac fe wnaiff aelod o’n tîm ni’n cysylltu â chi.
Os oes gennych chi unrhyw ymholiad arall, anfonwch e-bost at training@wcva.cymru. Gallwch chi gofrestru ar ein rhestr bostio i dderbyn diweddariadau bob wythnos/mis.