Dewch i ddatgloi hanfodion hunanreoli ac arweinyddiaeth gyda’r hyfforddiant cynhwysfawr ar-lein hwn. Mae’r rhaglen wyth modiwl hon wedi’i chynllunio i’ch helpu chi i fynd ati’n effeithiol i ysgogi, rheoli a chefnogi eraill i gyrraedd nodau eich mudiad.
Uchafbwyntiau’r cwrs:
- Hyd: 3 awr y modiwl, ar-lein.
- Wyth modiwl y gellir eu hastudio’n unigol neu fel cwrs cyflawn.
- Cynnig arbennig: Archebwch le ar yr wyth modiwl a chael £50 o gredyd tuag at gwrs yn y dyfodol.
- I bwy mae’r rhaglen hon: Yn ddelfrydol i reolwyr ar bob lefel, gan gynnwys rheolwyr gwirfoddolwyr.
Canlyniadau dysgu’r rhaglen:
- Cael dealltwriaeth ddyfnach o sut i reoli eich hunan ac eraill.
- Dysgu technegau ymarferol ar gyfer ysgogi timau a meithrin amgylchedd cynhyrchiol.
- Meistroli sgiliau arweinyddiaeth hanfodol i yrru llwyddiant eich mudiad.
Hyfforddwyr: Mae gan Mandy Williams ac Eileen Murphy flynyddoedd o arbenigedd mewn rhoi hyfforddiant ar arweinyddiaeth a rheolaeth.
Gofynion y cwrs – darllenwch cyn archebu
Yr hyn rydym ni’n ei ofyn gennych chi:
- Sicrhewch eich bod yn mynychu’r holl hyfforddiant.
- Profwch eich mynediad Zoom cyn mynychu.
- Cyrhaeddwch 5 munud yn gynnar – mae’n bosibl na fydd pobl sy’n cyrraedd yn hwyr yn cael mynediad.
- Cadwch eich camera ymlaen a chymerwch ran drwy’r microffon/sgwrs lle’n bosibl.
- Rhowch wybod i ni pan fyddwch yn archebu os oes gennych unrhyw ofynion mynediad (e.e. cyfieithydd Iaith Arwyddion Prydain (BSL)).
- Sicrhewch eich bod yn gallu derbyn hysbysiadau gan LUMA fel y gallwch dderbyn cyfarwyddiadau ymuno ac adnoddau.
- Os na allwch fynychu, e-bostiwch archebion@wcva.cymru (gweler ein polisi canslo).
UCHAFSWM o ddau le i bob mudiad
Angen help neu ragor o wybodaeth?
- Ddim yn siŵr a ydych chi’n Bartner Sector Gwirfoddol gydag CGGC? Gwiriwch yma.
- Ddim yn siŵr a ydych chi’n Bartner Ymgysylltiedig gydag CGGC? Gwiriwch yma.
- Rydym yn cynnig cyrsiau pwrpasol sydd wedi’u dylunio o gwmpas anghenion eich mudiad. Llenwch ein ffurflen ‘cais am hyfforddiant pwrpasol’ ac fe wnawn ni gysylltu â chi.
- Cliciwch yma i gael eich ychwanegu at y rhestr aros.
- Os oes gennych chi unrhyw ymholiad arall, anfonwch e-bost at bookings@wcva.cymru.
- Gallwch chi gofrestru ar ein rhestr bostio i dderbyn diweddariadau bob wythnos/mis.
DATBLYGU MEDDYLFRYD TWF
Dyddiadau cyrsiau newydd yn dod yn fuan.
Cyflwynir gan Mandy Williams
Nod
Paratoi’r cyfranogwyr gyda’r wybodaeth a’r adnoddau i feithrin ffordd o feddwl am dwf.
Cynnwys
Bydd y gweithdy rhyngweithiol hwn yn rhoi’r wybodaeth a’r adnoddau i chi feithrin ffordd o feddwl am dwf a fydd yn arwain at fwy o wydnwch, perfformiad personol gwell a’r gallu i groesawu newid mewn modd positif.
Canlyniadau Dysgu
Erbyn diwedd y cwrs byddwch yn:
- Deall cysyniad meddylfryd
- Edrych ar fuddion meddylfryd twf
- Datblygu cynllun gweithredu ar gyfer twf
GOSOD NODAU A GWERTHOEDD
Dyddiadau cyrsiau newydd yn dod yn fuan.
Cyflwynir gan Eileen Murphy
Nod
Rhoi’r adnoddau a’r strategaethau i chi osod nodau ystyrlon a sicrhau eu bod yn cyd-fynd â’ch gwerthoedd craidd.
Cynnwys
Bydd y gweithdy rhyngweithiol hwn yn rhoi’r adnoddau a’r strategaethau i chi osod nodau ystyrlon a sicrhau eu bod yn cyd-fynd â’ch gwerthoedd craidd. Trwy hunanfeirniadu, trafod a gwneud ymarferion ymarferol, byddwch yn cael map ffordd clir ar gyfer cyflawni eich dyheadau personol a phroffesiynol.
Canlyniadau Dysgu
Erbyn diwedd y cwrs byddwch yn gallu:
- Diffinio gwerthoedd craidd
- Gosod a chyflawni nodau CAMPUS
- Goresgyn rhwystrau a chadw’n gryf eich cymhelliad
- Datblygu cynllun gweithredu ar gyfer llwyddiant
ADEILADU TÎM
25 Mawrth 2026, 9.30am tan 12.30pm
Cyflwynir gan Mandy Williams
Nod
Rhoi’r adnoddau a’r technegau i gyfranogwyr adeiladu a chynnal timau effeithiol.
Cynnwys
Bydd y gweithdy rhyngweithiol hwn yn rhoi’r wybodaeth a’r adnoddau i chi adeiladu timau effeithiol. Trwy edrych ar gynhwysion timau effeithiol ac edrych ar ddynameg tîm, gallwch gynllunio datblygiad eich tîm.
Canlyniadau Dysgu
Erbyn diwedd y cwrs, byddwch yn gallu:
- Deall beth sy’n gwneud tîm effeithiol
- Edrych ar ddynameg tîm
- Ystyried sut i ddatblygu siarter tîm
- Gosod nodau datblygu tîm
DYLANWADU A GWLEIDYDDIAETH SEFYDLIADOL
29 Ebrill 2026, 10am tan 1pm
Cyflwynir gan Eileen Murphy
Nod
Rhoi’r adnoddau i gyfranogwyr lywio gwleidyddiaeth sefydliadol a chynyddu eich dylanwad.
Cynnwys
Bydd y gweithdy rhyngweithiol hwn yn cyflwyno’r cyfranogwyr i’r cysyniad o ddeallusrwydd gwleidyddol a sut i gael crebwyll gwleidyddol. Bydd y gweithdy yn rhoi’r wybodaeth a’r adnoddau i chi ddylanwadu’n well ar benderfyniadau a hybu cydweithio.
Canlyniadau Dysgu
Erbyn diwedd y cwrs, byddwch yn gallu:
- Deall gwleidyddiaeth sefydliadol a sut i ddylanwadu
- Edrych ar eich arddull dylanwadu eich hun
- Cynllunio strategaethau i ddylanwadu a hybu cydweithio
ADNODDAU AR GYFER GWEITHIO MEWN GRŴP
30 Ebrill 2026, 9.30am tan 12.30pm
Cyflwynir gan Mandy Williams
Nod
Rhoi’r adnoddau sydd eu hangen ar gyfranogwyr i weithio’n effeithiol mewn grŵp.
Cynnwys
Bydd y gweithdy rhyngweithiol hwn yn rhoi’r wybodaeth a’r adnoddau i chi hwyluso grŵp perfformio uchel mewn cyd-destunau amrywiol, gan ddefnyddio setiau dysgu gweithredol, arferion myfyriol a dynameg grŵp. Trwy gynnwys yr adnoddau hyn yn eich gwaith grŵp, gallwch greu amgylchedd cydweithredol a chynhyrchiol.
Canlyniadau Dysgu
Erbyn diwedd y cwrs, byddwch yn gallu:
- Deall yr adnoddau gwahanol sydd ar gael ar gyfer gwaith grŵp
- Edrych ar ddynameg grŵp
- Cynllunio set dysgu gweithredol effeithiol
- Defnyddio arferion myfyriol o fewn setiau dysgu gweithredol
ARWAIN TRWY NEWID
5 Mai 2026, 9.30am tan 12.30pm
Cyflwynir gan Mandy Williams
Nod
Rhoi’r adnoddau i gyfranogwyr reoli newid sefydliadol yn effeithiol.
Cynnwys
Bydd y gweithdy rhyngweithiol hwn yn cyflwyno cyfranogwyr i fodel ar gyfer newid, cyfle i fyfyrio ar y cyfnodau o newid y mae pobl yn mynd drwyddynt a’u hymatebion gwahanol. Bydd hefyd yn cynnig strategaethau ar gyfer rheoli newid yn effeithiol.
Canlyniadau Dysgu
Erbyn diwedd y cwrs, byddwch yn gallu:
- Deall beth sy’n digwydd pan gaiff newid ei roi ar waith
- Myfyrio ar ymatebion gwahanol pobl i newid a sut i’w rheoli
- Ymdrin yn well â newid gan ddefnyddio strategaethau gwahanol
DIRPRWYO A’R DDAWN O DDWEUD NA
21 Mai 2026, 9.30am tan 12.30pm
Cyflwynir gan Eileen Murphy
Nod
Rhoi’r hyder a’r adnoddau i gyfranogwyr ddirprwyo’n dda. I ddysgu sut i ddweud na.
Cynnwys
Bydd y gweithdy rhyngweithiol hwn yn rhoi’r wybodaeth, yr adnoddau a’r hyder i chi ddirprwyo’n fwy effeithiol. Bydd hefyd yn cynnig tactegau ar sut i ddweud na mewn modd positif.
Canlyniadau Dysgu
Erbyn diwedd y cwrs, byddwch yn:
- Gallu deall sut rydym yn adeiladu ymddiriedaeth
- Gallu dirprwyo’n hyderus
- Gwybod sut i beidio â micro-reoli
- Gwybod sut i ddweud na, a chynnig opsiynau eraill
RHOI A DERBYN ADBORTH
10 Mehefin 2026, 9.30am tan 12.30pm
Cyflwynir gan Eileen Murphy
Nod
Rhoi’r adnoddau i gyfranogwyr roi adborth yn hyderus.
Cynnwys
Bydd y gweithdy rhyngweithiol hwn yn cyflwyno cyfranogwyr i egwyddorion rhoi a derbyn adborth. Bydd yn cynnig strategaethau ar gyfer rhoi adborth clir yn hyderus.
Canlyniadau Dysgu
Erbyn diwedd y cwrs, byddwch yn gallu:
- Nodi egwyddorion adborth effeithiol
- Deall gwerth adborth effeithiol
- Defnyddio technegau cynnig adborth
- Cymryd adborth yn well