Mae merch ifanc sy'n gwenu yn annerch grŵp o gydweithwyr

Hyfforddiant ar ddiogelu ar gyfer ymarferwyr Grŵp B

Categorïau: Llywodraethu a diogelu, Wedi’i deilwra yn unig,

Dydd 1 – 24 Mawrth 2026
Dydd 2 – 31 Mawrth 2026
9.30 am – 12.30 pm | Ar-lein

Cyflwynir drwy gyfrwng y Saesneg

2 x sesiwn 3 awr / ar-lein

Dysgu cyfunol ar ddiogelu i ymarferwyr Grŵp B sy’n gweithio mewn unrhyw leoliad neu gydag unrhyw grŵp oedran (generig).

Rhaid bod pob dysgwr wedi cwblhau modiwl Grŵp A o fewn 3 blynedd i ymuno â’r hyfforddiant hwn. Bydd angen i’r dysgwyr ymrwymo i’r sesiynau a mynychu’r ddwy sesiwn (yn yr un pecyn) er mwyn cwblhau 6 awr lawn y cwrs.

Rhaid i’r dysgwyr ddangos eu dysgu’n ddigonol drwy gymryd rhan briodol yng ngweithgareddau’r cwrs cyn ennill eu tystysgrif.

Amcanion

Nod y cwrs hwn yw rhoi’r wybodaeth a’r ddealltwriaeth o’r egwyddorion ar gyfer yr hyfforddiant ar ddiogelu Grŵp B i ddysgwyr.

Cynnwys

Mae’r cynnwys yn cynnwys:

  • Adnabod camdriniaeth, esgeulustod, niwed ac arferion gwael yn y cyd-destun diogelu yng Nghymru
  • Llunio cofnod o ansawdd o bryderon diogelu
  • Deall y rôl eirioli mewn diogelu sy’n canolbwyntio ar yr unigolyn
  • Deall y gyfraith ynghylch diogelu a sut i’w rhoi ar waith drwy gydol eu gwaith.

Canlyniadau dysgu

Erbyn diwedd y cwrs dylai cyfranogwyr allu:

  • Adnabod y rhan y maen nhw’n eu chwarae yn y broses ddiogelu
  • Gwybod pryd a sut i adrodd pryder diogelu ac i bwy
  • Sicrhau bod llais yr unigolyn yn cael ei glywed o fewn diogelu sy’n canolbwyntio ar yr unigolyn.

Ar gyfer pwy mae’r cwrs hwn

Ymarferwyr Grŵp B ym mhob lleoliad, a all fod yn staff cyflogedig neu’n wirfoddolwyr.

Y rheini sy’n treulio amser gyda phobl mewn grwpiau neu’n unigol. Bydd ganddynt gyfrifoldeb penodol o ran y bobl y maen nhw’n gweithio gyda nhw a bydd angen lefel uwch o wybodaeth arnynt na’r rheini yn Grŵp A oherwydd eu cysylltiad uniongyrchol â phobl. Efallai y bydd neu na fydd y bobl y maen nhw’n gweithio gydag yn cyflwyno pryderon diogelu.

Gofynion y cwrs – darllenwch cyn archebu

Yr hyn rydym ni’n ei ofyn gennych chi:

  • Sicrhewch eich bod yn mynychu’r holl hyfforddiant.
  • Profwch eich mynediad Zoom cyn mynychu.
  • Cyrhaeddwch 5 munud yn gynnar – Noder: Ni fydd cyrsiau Diogelu yn rhoi mynediad i unrhyw un sy’n cyrraedd yn hwyr.
  • Cadwch eich camera ymlaen a chymerwch ran drwy’r microffon/sgwrs lle’n bosibl.
  • Rhowch wybod i ni pan fyddwch yn archebu os oes gennych unrhyw ofynion mynediad (e.e. cyfieithydd Iaith Arwyddion Prydain (BSL)).
  • Sicrhewch eich bod yn gallu derbyn hysbysiadau gan LUMA fel y gallwch dderbyn cyfarwyddiadau ymuno ac adnoddau.
  • Os na allwch fynychu, e-bostiwch archebion@wcva.cymru (gweler ein polisi canslo).

UCHAFSWM o ddau le i bob mudiad

Angen help neu ragor o wybodaeth?

Yn ôl at hyfforddiant