Grŵp o gydweithwyr

Ennyn diddordeb y cyhoedd: damcaniaeth ac ymarfer

Categorïau: Wedi’i deilwra, Ymgysylltu â'r cyhoedd,

Dydd 1 – 23 Mehefin 2026
Dydd 2 – 24 Mehefin 2026
Dydd 3 – 15 Gorfennaff 2026
10 am – 4 pm | Caerdydd

Cyflwynir drwy gyfrwng y Saesneg

3 x sesiwn 6 awr / ystafell ddosbarth

Amcanion

Wedi’i achredu gan Agored Cymru

I roi mwy o ymwybyddiaeth a dealltwriaeth o ymgysylltu cyfranogol.

Cynnwys

Mae’r trydydd sector bob amser yn ceisio cysylltu â chynulleidfaoedd newydd fel y gallwn ni eu cynnwys yn ein sgyrsiau. Nod y cwrs tri diwrnod cynhwysfawr hwn yw rhoi mwy o ymwybyddiaeth a dealltwriaeth o ymgysylltu cyfranogol. Byddwch chi’n ennill amrediad o sgiliau ac yn magu hyder i ymgysylltu â dinasyddion a’r gymuned. Diwrnodau addysgu fydd diwrnod un a dau a fydd yn cynnwys cyflwyno’r wybodaeth, trafodaethau grŵp ac ymarferion rhyngweithiol. Diwrnod asesu fydd diwrnod tri a fydd yn ffurfio rhan o’r broses achredu.

Bydd Diwrnod Un yn canolbwyntio ar ddeall a chynllunio proses ymgysylltu.

Yn ystod y bore, byddwn yn ystyried y cyd-destun unigryw ar gyfer ymgysylltu â’r cyhoedd yng Nghymru ac yn edrych ar rai modelau ymgysylltu damcaniaethol.

  • Bydd y prynhawn yn ymwneud â defnyddio techneg dadansoddi rhanddeiliaid, a matrics cynllunio proses ymgysylltu, a byddwn yn edrych ar ffyrdd o ymgysylltu â grwpiau nas clywir yn aml.
  • Bydd Diwrnod Dau yn canolbwyntio ar dechnegau ymgysylltu, gan ddadansoddi’r wybodaeth a gynhyrchir drwy ymgysylltu a’r hyn sy’n digwydd ar ôl y broses ymgysylltu.

Yn ystod y bore, byddwn yn dysgu am y Technegau Cyfranogol a ddefnyddir mewn Arfarniad Cyflym Cyfranogol (PRA) ac yn ymarfer defnyddio rhai adnoddau allweddol.

  • Yn y prynhawn, byddwn yn edrych ar sut i sicrhau bod eich canfyddiadau’n ddilys ac yn sefydlu rhai egwyddorion craidd ar gyfer dadansoddi data ansoddol o broses ymgynghori. Byddwn yn cloi’r diwrnod drwy ystyried yr egwyddorion a’r dulliau ar gyfer rhoi adborth i’r rheini sy’n cymryd rhan yn y broses ymgysylltu, a sut i werthuso’r ymgysylltu.

Ar Ddiwrnod Tri, byddwch yn dangos techneg gyfranogol fel rhan o’ch asesiad ac yn dadansoddi data ansoddol mewn modd strwythuredig. Ar ôl yr hyfforddiant, bydd angen i gyfranogwyr sydd eisiau achrediad hefyd gyflwyno llyfr gwaith i’w asesu.

Canlyniadau dysgu

Trwy fynychu’r cwrs, byddwch yn:

  • Deall diben ymgysylltu yng Nghymru heddiw
  • Deall rhai modelau ymgysylltu damcaniaethol
  • Gallu adnabod rhanddeiliaid a sut i ymgysylltu â nhw, gan gynnwys grwpiau nas clywir yn aml
  • Gallu defnyddio amrediad o adnoddau ar gyfer ymgysylltu
  • Deall dulliau cyfathrebu effeithiol drwy gydol y broses ymgysylltu
  • Gallu dadansoddi data ansoddol a deall sut i sicrhau bod eich canfyddiadau’n ddilys
  • Deall pwysigrwydd rhoi adborth

Ar gyfer pwy mae’r cwrs

Rheolwyr a staff rheng flaen sy’n chwilio am hyfforddiant cynhwysfawr, achrededig ar ymgysylltu â chymunedau a dinasyddion.

Rhagor o wybodaeth

Bydd ffi gofrestru o £21 y dysgwr yn cael ei chodi ar y rheini sy’n cofrestru i gwblhau asesiad Agored Cymru.

Ynglŷn â’r hyfforddwr

Dechreuodd Alain Thomas ei yrfa drwy ennill dros 12 mlynedd o brofiad o waith datblygu cymunedol ar lawr gwlad. Wedi hyn, sefydlodd Alain Thomas Consultancy i gynnig cymorth cost-effeithiol a hyblyg i fudiadau nid-er-elw. Mae wedi gweithio yng Nghymru, gweddill Ewrop a gwledydd datblygol.

Mae hyfforddiant Alain wedi’i ymwreiddio’n ddwfn yn ei ymarfer ac mae’n arbenigo mewn dulliau cyfranogol o ymgysylltu â’r cyhoedd a gwerthuso prosiectau.

Gofynion y cwrs – darllenwch cyn archebu

Yr hyn rydym ni’n ei ofyn gennych chi:

  • Sicrhewch eich bod yn mynychu’r holl hyfforddiant.
  • Cyrhaeddwch 15 munud yn gynnar
  • Rhowch wybod i ni pan fyddwch yn archebu os oes gennych unrhyw ofynion mynediad (e.e. cyfieithydd Iaith Arwyddion Prydain (BSL)).
  • Sicrhewch eich bod yn gallu derbyn hysbysiadau gan LUMA fel y gallwch dderbyn cyfarwyddiadau ymuno ac adnoddau.
  • Os na allwch fynychu, e-bostiwch archebion@wcva.cymru (gweler ein polisi canslo).

UCHAFSWM o ddau le i bob mudiad

Angen help neu ragor o wybodaeth?

Yn ôl at hyfforddiant