Dyddiadau cyrsiau newydd yn dod yn fuan. I gael eich ychwanegu at restr aros cwrs neu weminar cliciwch yma.
Cyflwynir y cwrs hwn drwy gyfrwng y Saesneg
2 x sesiwn 3 awr / ar-lein
Mae’r cwrs hwn yn rhan o gynnig hyfforddiant TSSW WCVA
Nod
Bydd yn eich helpu i ddeall beth sy’n gwneud ffurflen gais dda ac yn dangos buddion ac effaith y gwaith y byddwch chi’n ei gyflawni i gyllidwr ac, yn bwysig iawn, pam mai chi yw’r mudiad iawn i gyflawni’r gwaith hwn.
Cynnwys
Pa mor llwyddiannus yw eich ceisiadau cyllido? Ydych chi’n teimlo weithiau eich bod yn colli rhywbeth neu’n methu â chyfleu eich neges, neu efallai eich bod yn teimlo bod angen i chi edrych eto ar sut rydych chi’n ysgrifennu eich ffurflenni cais?
Gyda mwy o gystadleuaeth am grantiau, a chan fod amser yn werthfawr, rydyn ni eisiau cael lefel dda o lwyddiant am ein hymdrechion; gall cael ei wrthod dro ar ôl tro ddigalonni rhywun, yn enwedig pan rydyn ni’n frwdfrydig am yr hyn rydyn ni’n ceisio ei gyflawni.
Canlyniadau Dysgu
Erbyn diwedd y cwrs hwn, byddwch chi’n:
- Deall pwysigrwydd cynllunio a pharatoi wrth ysgrifennu cais
- Gwybod camau’r gylchred cynllunio prosiect
- Gwybod sut i osod canlyniadau prosiect cryf a mesur y cynnydd yn eu herbyn
- Gallu nodi data priodol a pherthnasol i gefnogi anghenion eich prosiect
- Gallu adnabod cyllidwyr priodol
- Gallu llunio ceisiadau cryf yn hyderus gan osgoi camgymeriadau cyffredin
I bwy mae’r sesiwn
Bwriedir y cwrs hwn ar gyfer pobl ag ychydig o brofiad o ysgrifennu cynigion a/neu ddatblygu prosiectau sydd angen cyllid. Mae’n arbennig o ddefnyddiol i bobl sydd wedi datblygu’r rhan helaeth o’u sgiliau ysgrifennu cynigion drwy lunio cynigion yn ôl y gofyn, ac sydd eisiau mireinio eu harferion.
Bydd hefyd yn ddefnyddiol i’r rheini heb lawer o brofiad o ysgrifennu cynigion, ond sy’n gwybod eu hanghenion cyllido’n dda.
Gofynion y cwrs – darllenwch cyn archebu
Yr hyn rydym ni’n ei ofyn gennych chi:
- Sicrhewch eich bod yn mynychu’r holl hyfforddiant.
- Profwch eich mynediad Zoom cyn mynychu.
- Cyrhaeddwch 5-10 munud yn gynnar – mae’n bosibl na fydd pobl sy’n cyrraedd yn hwyr yn cael mynediad.
- Cadwch eich camera ymlaen a chymerwch ran drwy’r microffon/sgwrs lle’n bosibl.
- Rhowch wybod i ni pan fyddwch yn archebu os oes gennych unrhyw ofynion mynediad (e.e. cyfieithydd Iaith Arwyddion Prydain (BSL)).
- Sicrhewch eich bod yn gallu derbyn hysbysiadau gan LUMA fel y gallwch dderbyn cyfarwyddiadau ymuno ac adnoddau.
- Os na allwch fynychu, e-bostiwch archebion@wcva.cymru (gweler ein polisi canslo).
UCHAFSWM o ddau le i bob mudiad
Angen help neu ragor o wybodaeth?
- Ddim yn siŵr a ydych chi’n Bartner Sector Gwirfoddol gydag CGGC? Gwiriwch yma.
- Ddim yn siŵr a ydych chi’n Bartner Ymgysylltiedig gydag CGGC? Gwiriwch yma.
- Rydym yn cynnig cyrsiau pwrpasol sydd wedi’u dylunio o gwmpas anghenion eich mudiad. Llenwch ein ffurflen ‘cais am hyfforddiant pwrpasol’ ac fe wnawn ni gysylltu â chi.
- Cliciwch yma i gael eich ychwanegu at y rhestr aros.
- Os oes gennych chi unrhyw ymholiad arall, anfonwch e-bost at bookings@wcva.cymru.
- Gallwch chi gofrestru ar ein rhestr bostio i dderbyn diweddariadau bob wythnos/mis.