Dyddiadau cyrsiau newydd yn dod yn fuan. I gael eich ychwanegu at restr aros cwrs neu weminar cliciwch yma.
Cyflwynir drwy gyfrwng y Saesneg a Gymraeg
1 x sesiwn 1 awr / ar-lein
Amcanion
Dysgu sut mae creu cynnwys bachog ac effeithiol yn ddwyieithog ar y cyfryngau cymdeithasol.
Cynnwys
Mae’r cyfryngau cymdeithasol yn gyfle gwych i gadw mewn cyswllt gyda’ch defnyddwyr gwasanaeth a chyrraedd cefnogwyr a defnyddwyr newydd. Gall baratoi cynnwys Cymraeg eich helpu i gyrraedd dilynwyr newydd ac i sefyll allan. Byddwn yn ceisio ateb cwestiynau sy’n cael eu gofyn yn aml gan elusennau am y ffordd orau o ddefnyddio’r Gymraeg ar y cyfryngau cymdeithasol trwy edrych ar enghreifftiau go iawn.
Byddwn yn ystyried gwahanol opsiynau sy’n addas ar gyfer sefydliadau sydd heb lawer o staff sy’n siarad Cymraeg a sefydliadau sydd eisoes yn gweithio’n ddwyieithog. Byddwn hefyd yn trafod pa gymorth sydd ar gael i sefydliadau pan fo adnoddau’n brin.
Canlyniadau dysgu
Erbyn diwedd y weminar bydd cyfranogwyr:
- Yn gwybod am ddefnydd clyfar o ddelweddau a phosteri
- Yn ymwybodol o ba gyfrifon eraill y gallwch eu tagio i gyrraedd pobl newydd
- Wedi cynyddu eu gwybodaeth o’r arfer orau wrth greu cynnwys dwyieithog
- Yn ymwybodol o offer ac adnoddau gallwch fanteisio arnynt i greu cynnwys Cymraeg
Ar gyfer pwy mae’r sesiwn
Bydd y sesiwn hon yn ddefnyddiol i swyddogion neu wirfoddolwyr gydag elusen sydd â diddordeb mewn rhoi cynnig ar ddefnyddio mwy o Gymraeg ar y cyfryngau cymdeithasol. Noder: nid yw’r sesiwn wedi anelu at swyddogion o sefydliadau sydd â dyletswydd gyfreithiol i ddefnyddio’r Gymraeg. Mae hyn yn cynnwys sefydliadau sector gyhoeddus a rhai sefydliadau trydydd sector.
Gofynion y cwrs
Er mwyn gwneud yn siŵr eich bod yn cael y profiad gorau ar ein cyrsiau, gofynnwn y canlynol ohonoch chi;
- Ymrwymwch i fynychu holl hyd yr hyfforddiant
- Profwch eich mynediad i Zoom
- Bydd yr hyfforddiant yn dechrau’n brydlon, cyrhaeddwch 10 munud cyn yr amser dechrau, oherwydd mae’n bosibl na fydd pobl sy’n cyrraedd yn hwyr yn cael eu gadael i mewn
- Mae ein cyrsiau’n rhyngweithiol a chyfranogol a gofynnwn, lle’n bosibl, i’r holl ddysgwyr gael eu camerâu arno a chymryd rhan drwy’r cyfleusterau microffon a sgwrsio
- Rhowch wybod i ni wrth gadw’ch lle os oes gennych chi unrhyw ofynion penodol, e.e. dehonglwyr Iaith Arwyddion Prydain (BSL)
- Bydd cyfarwyddiadau ymuno ac adnoddau yn cael eu hanfon drwy LUMA, ein ap bwcio ar-lein, sicrhewch fod hysbysiadau gan LUMA wedi’u galluogi er mwyn cael yr wybodaeth ddiweddaraf
- Os na allwch chi fynychu, anfonwch e-bost at training@wcva.cymru (gweler ein polisi canslo)
Os nad ydych chi’n siŵr a ydych chi’n aelod, gwiriwch yma
I gael eich ychwanegu at restr aros cwrs neu weminar cliciwch yma.
Gellir cyflwyno pob un o’n cyrsiau mewn modd pwrpasol wedi’u teilwra er mwyn diwallu anghenion eich mudiad. Llenwch ein ffurflen gais am hyfforddiant pwrpasol ac fe wnaiff aelod o’n tîm ni’n cysylltu â chi.
Os oes gennych chi unrhyw ymholiad arall, anfonwch e-bost at training@wcva.cymru. Gallwch chi gofrestru ar ein rhestr bostio i dderbyn diweddariadau bob wythnos/mis.