Dyddiadau cyrsiau newydd yn dod yn fuan. I gael eich ychwanegu at restr aros cwrs neu weminar cliciwch yma.
Cyflwynir drwy gyfrwng y Saesneg
1 x sesiwn 3 awr / ar-lein
Nod
Mae’r gweithdy tair awr hwn ar gyfer ymddiriedolwyr elusennau sy’n awyddus i ddatblygu eu gwybodaeth, eu sgiliau a’u hyder mewn arweinyddiaeth a llywodraethiant.
Cynnwys
Bydd y cwrs ar-lein hwn yn eich tywys trwy ystod o egwyddorion arweinyddiaeth a llywodraethiant, wedi’u seilio ar y Cod Llywodraethu i Elusennau. Bydd cyfleoedd i drafod arfer dda gyda chyd-ymddiriedolwyr yn ystod y gweithdy hyfforddi cyfranogol hwn.
Bydd yr hyfforddiant yn cynnwys cyflwyniadau, gwaith grŵp bach a thrafodaeth. Cefnogir yr hyfforddiant gan sleidiau PowerPoint a set gyflawn o daflenni yn ogystal â dolenni i Hwb Gwybodaeth Cefnogi Trydydd Sector Cymru.
Canlyniadau Dysgu
Trwy fynychu’r cwrs byddwch yn:
- Archwilio rôl arweinyddol y Bwrdd/ pwyllgor rheoli
- Gwella meddwl a chymhwysiad strategol
- Adeiladu’r TÎM Llywodraethu
- Ysgogi ac arwain newid cadarnhaol
I bwy mae’r cwrs?
Mae’r gweithdy hwn ar gyfer ymddiriedolwyr newydd a rhai sy’n weithredol ers tro. Gallai fod o ddiddordeb hefyd i bobl sy’n ystyried dod yn ymddiriedolwr ac sydd eisiau dysgu mwy ynglŷn â rôl strategol ac arweinyddol y Bwrdd.
Gofynion y cwrs
Er mwyn gwneud yn siŵr eich bod yn cael y profiad gorau ar ein cyrsiau, gofynnwn y canlynol ohonoch chi;
- Ymrwymwch i fynychu holl hyd yr hyfforddiant
- Profwch eich mynediad i Zoom
- Bydd yr hyfforddiant yn dechrau’n brydlon, cyrhaeddwch ddeg munud cyn yr amser dechrau, oherwydd mae’n bosibl na fydd pobl sy’n cyrraedd yn hwyr yn cael eu gadael i mewn
- Mae ein cyrsiau’n rhyngweithiol a chyfranogol a gofynnwn, lle’n bosibl, i’r holl ddysgwyr gael eu camerâu arno a chymryd rhan drwy’r cyfleusterau microffon a sgwrsio
- Rhowch wybod i ni wrth gadw’ch lle os oes gennych chi unrhyw ofynion penodol, ee dehonglwyr Iaith Arwyddion Prydain (BSL)
- Bydd cyfarwyddiadau ymuno ac adnoddau yn cael eu hanfon drwy LUMA, ein ap bwcio ar-lein, sicrhewch fod hysbysiadau gan LUMA wedi’u galluogi er mwyn cael yr wybodaeth ddiweddaraf
- Os na allwch chi fynychu, anfonwch e-bost at training@wcva.cymru (gweler ein polisi canslo)
UCHAFSWM o ddau le i bob mudiad
Os nad ydych chi’n siŵr a ydych chi’n aelod, gwiriwch yma
I gael eich ychwanegu at restr aros cwrs neu weminar cliciwch yma.
Gellir cyflwyno pob un o’n cyrsiau mewn modd pwrpasol wedi’u teilwra er mwyn diwallu anghenion eich mudiad. Llenwch ein ffurflen gais am hyfforddiant pwrpasol ac fe wnaiff aelod o’n tîm ni’n cysylltu â chi.
Os oes gennych chi unrhyw ymholiad arall, anfonwch e-bost at training@wcva.cymru. Gallwch chi gofrestru ar ein rhestr bostio i dderbyn diweddariadau bob wythnos/mis.