18 Mawrth 2025
Saesneg – 10 am – 1 pm | Ar-lein
19 Mawrth 2025
Cymraeg – 10 am – 1 pm | Ar-lein
Cyflwynir drwy gyfrwng y Saesneg a Gymraeg
Amcanion
Mae’r sesiwn hon yn edrych ar sut gallwch ddefnyddio adnoddau digidol i gefnogi gwaith tîm yn eich mudiad. Trwy arddangosiadau ymarferol, byddwn yn edrych ar sut gall yr adnoddau hyn wella cyfathrebu a chydweithio, gan alluogi timau i gadw mewn cysylltiad a gweithio’n effeithlon mewn gweithleoedd hybrid.
Cynnwys
Bydd y sesiwn hon yn cynnwys:
- Hanfodion cyfathrebu a chydweithio digidol
- Awgrymiadau ar adeiladu a chynnal timau effeithiol ar-lein
- Prif nodweddion a swyddogaethau adnoddau cyfathrebu a chydweithio poblogaidd.
Bydd yr adnoddau a ddefnyddir yn y sesiwn hon yn cynnwys:
Microsoft Teams, Padlet, Sway ac eraill.
Canlyniadau dysgu
Ar ôl mynychu’r sesiwn hon, byddwch:
- Yn deall prif egwyddorion cyfathrebu a chydweithio digidol effeithiol
- Wedi edrych ar amrywiaeth o adnoddau i gefnogi gwaith tîm ar-lein
- Yn gadael gydag awgrymiadau ac adnoddau y gallwch eu rhoi ar waith i’ch cynorthwyo â gwaith tîm digidol yn eich mudiad.
Ar gyfer pwy mae’r sesiwn
Mae’r cwrs hwn i staff y sector gwirfoddol neu wirfoddolwyr sydd â diddordeb mewn dysgu mwy am sut gall adnoddau digidol gwahanol gefnogi eu gwaith. Mae’r cwrs hwn yn arbennig o addas i bobl:
- Sy’n defnyddio Microsoft 365 yn eu gweithle
- Sy’n defnyddio adnoddau digidol yn eu gwaith bob dydd – fel e-bost, cyfarfodydd rhithwir a meddalwedd swyddfa
- A hoffai wella eu cyfathrebu a/neu gydweithio digidol
- Sydd â diddordeb mewn edrych ar, a dysgu am adnoddau a thechnolegau digidol
Efallai eich bod yn gofyn rhai o’r cwestiynau canlynol:
- Sut gallwn ni gyfathrebu’n well yn fewnol?
- Pa adnoddau all fy helpu i a’m cydweithwyr i weithio ar brosiectau gyda’n gilydd?
- Sut rydym yn cydweithio fel tîm hybrid/o bell?
Os nad ydych chi’n siŵr a yw’r cwrs hwn ar y lefel gywir i chi, cysylltwch â digidol@wcva.cymru
Ymunwch â’r sesiwn hyfforddi hon ar liniadur neu gyfrifiadur personol oherwydd bydd cyfle i brofi’r adnoddau yn y sesiwn.
Ynglŷn â’r hyfforddwr
Bydd yr hyfforddiant yn cael ei ddarparu gan Big Learning Company, sydd â 15 mlynedd o brofiad yn datblygu a chyflwyno rhaglenni dysgu digidol ar draws pob sector yng Nghymru.
Mae’r hyfforddiant yma yn rhan o Newid: Digidol ar gyfer y trydydd sector. Cyflwynir Newid mewn partneriaeth â CGGC, Cwmpas a ProMo-Cymru, yn cael ei ariannu gan Lywodraeth Cymru. Rydym yn hyrwyddo ymarfer digidol dda ar draws y trydydd sector yng Nghymru, gwneir hyn wrth ddarparu hyfforddiant, cefnogaeth a gwybodaeth. Am ragor o wybodaeth, ewch i newid.cymru.
Gofynion y cwrs
Er mwyn gwneud yn siŵr eich bod yn cael y profiad gorau ar ein cyrsiau, gofynnwn y canlynol ohonoch chi;
- Ymrwymwch i fynychu holl hyd yr hyfforddiant
- Profwch eich mynediad i Teams
- Bydd yr hyfforddiant yn dechrau’n brydlon, cyrhaeddwch 10 munud cyn yr amser dechrau, oherwydd mae’n bosibl na fydd pobl sy’n cyrraedd yn hwyr yn cael eu gadael i mewn
- Mae ein cyrsiau’n rhyngweithiol a chyfranogol a gofynnwn, lle’n bosibl, i’r holl ddysgwyr gael eu camerâu arno a chymryd rhan drwy’r cyfleusterau microffon a sgwrsio
- Rhowch wybod i ni wrth gadw’ch lle os oes gennych chi unrhyw ofynion penodol, e.e. dehonglwyr Iaith Arwyddion Prydain (BSL)
- Bydd cyfarwyddiadau ymuno ac adnoddau yn cael eu hanfon drwy LUMA, ein ap bwcio ar-lein, sicrhewch fod hysbysiadau gan LUMA wedi’u galluogi er mwyn cael yr wybodaeth ddiweddaraf
- Os na allwch chi fynychu, anfonwch e-bost at training@wcva.cymru (gweler ein polisi canslo)
UCHAFSWM o ddau le i bob mudiad
SAESNEG
CYMRAEG
Gellir cyflwyno pob un o’n cyrsiau mewn modd pwrpasol wedi’u teilwra er mwyn diwallu anghenion eich mudiad. Llenwch ein ffurflen gais am hyfforddiant pwrpasol ac fe wnaiff aelod o’n tîm ni’n cysylltu â chi.
Os oes gennych chi unrhyw ymholiad arall, anfonwch e-bost at training@wcva.cymru. Gallwch chi gofrestru ar ein rhestr bostio i dderbyn diweddariadau bob wythnos/mis.