Cyfarwyddwr Cynorthwyol Grantiau ac Incwm
Mae Catherine yn arwain cyfarwyddiaeth o fwy na 15 o staff, gan oruchwylio portffolio eang o raglenni cyllido a datblygu cyfleoedd newydd sy’n helpu i gryfhau gwydnwch a chynaliadwyedd sector gwirfoddol Cymru.
Ar ôl cwblhau ei gradd Meistr ym Mhrifysgol Manceinion, dechreuodd Catherine ei gyrfa yn sector yr amgylchedd cyn symud i Gymru yn 2010 ac ymuno ag CGGC. Ers hynny, mae wedi ymgymryd â rolau amrywiol ar draws y mudiad, o gefnogi mentrau cyflogadwyedd yr UE i gydlynu prosiect arian cymunedol arloesol gyda phartneriaid ledled gogledd-orllewin Ewrop, cyn arwain tîm Grantiau CGGC.
Y tu allan i’r gwaith, mae Catherine yn gwirfoddoli gyda’r Cinnamon Trust ac yn mwynhau cerdded am oriau gyda’r cŵn ar hyd arfordir gogledd Cymru. Mae hefyd yn deithiwr brwd ac ar ei hapusaf mewn lleoedd llawn heulwen a bwyd da.