Rydym yn chwilio am unigolyn brwdfrydig, sy’n chwilfrydig am bopeth sy’n ymwneud â data, i ymuno â ni fel ein Swyddog Mewnwelediadau Data.
YNGLŶN Â’R RÔL
Fel ein Swyddog Mewnwelediadau Data, byddwch yn chwarae rôl hanfodol mewn trawsnewid y ffordd rydym yn defnyddio data, gan ganolbwyntio i ddechrau ar ein Baromedr newydd i Sector Gwirfoddol Cymru (y Baromedr) – adnodd arloesol i gael gafael ar dystiolaeth ddibynadwy am y sector yng Nghymru.
Bydd y rôl hon yn gwella’r ffordd rydym yn defnyddio ac yn cwestiynu’r data o’n platfformau presennol, ynghyd â ffynonellau allanol, trwy gynhyrchu mewnwelediadau i gefnogi ein gwaith ar ddylanwadu ar bolisïau cyhoeddus a chyflawni cymorth effeithiol i’r sector. Gan gynnwys cael gafael ar dystiolaeth amserol a dibynadwy. Bydd eich gwaith yn cynhyrchu mewnwelediadau pwerus o’r Baromedr, ochr yn ochr â’n platfformau presennol a ffynonellau allanol, ac yn mynd ati’n uniongyrchol i gefnogi ein cenhadaeth i ddylanwadu ar bolisïau cyhoeddus a chyflawni cymorth effeithiol ar draws y sector.
Ydych chi’n rhywun sy’n mwynhau canfod ystyr mewn data a’i rannu mewn ffordd glir a diddorol ac eisiau i’ch gwaith gael effaith go iawn mewn cymunedau ledled Cymru? Os felly, dyma’r cyfle perffaith i chi!
SWYDDOG MEWNWELEDIADAU DATA
Categori Cymraeg: Dymunol
Llawn amser, 35 awr yr wythnos, yn hyblyg
£33,286 yn cynyddu i £37,464 y flwyddyn ar ôl cwblhau cyfnod prawf o chwe mis yn llwyddiannus. Bydd 9% o gyflog blynyddol y swydd yn cyfrannu at gynllun pensiwn cymeradwy CGGC.
Lleoliad: Hyblyg. Mae gennym swyddfeydd yn Aberystwyth, Caerdydd a’r Rhyl y gall staff eu defnyddio.
Darllenwch y swydd-ddisgrifiad swydd llawn.
PAM GWEITHIO YN CGGC?
Mae buddion yn cynnwys 25 diwrnod o wyliau â thâl ynghyd ag wyth gŵyl banc, cynllun pensiwn personol, rhaglen cymorth i weithwyr, cynllun tâl salwch uwch, gweithio hyblyg, cynllun arian gofal iechyd.
Rydym yn fudiad sy’n croesawu amrywiaeth. Mae gennym bolisïau rhagorol er mwyn cael cydbwysedd rhwng bywyd a gwaith, caiff gweithio hyblyg ei hybu, a’n diwylliant yw meithrin staff drwy arweinyddiaeth effeithiol a gwaith tîm rhagorol.
Mae cggc yn buddsoddi yn ei gyflogeion a’u datblygiad. Yn ogystal â bod yn gyflogwr cyflog byw sy’n ymrwymedig i dalu’r cyflog byw gwirioneddol i staff, mae cggc wedi derbyn achrediad buddsoddwyr mewn pobl.
Rhagor o wybodaeth am weithio gyda CGGC.
SUT I WNEUD CAIS
Dyddiad cau: 22 Chwefror 2026, hanner nos
Dyddiad cyfweliad: 9 – 13 Mawrth 2026
Croesawir ceisiadau Cymraeg ac ni fyddant yn cael eu trin yn llai ffafriol na cheisiadau Saesneg.