Mae Prosiect Iechyd a Gofal CGGC wedi cyhoeddi adroddiad newydd ar bwysigrwydd y sector gwirfoddol i iechyd a gofal yng Nghymru.
YR ADRODDIAD
Pam mae’r trydydd sector yn bwysig i iechyd a gofal cymdeithasol yng Nghymru yw’r trydydd mewn cyfres o bapurau sy’n edrych ar y cysylltiadau rhwng y sector gwirfoddol, gwirfoddolwyr a’r sector statudol, a’u pwysigrwydd i ganlyniadau iechyd a gofal.
Mae’r papur diweddaraf hwn yn dwyn ynghyd y prif ganfyddiadau o waith ymchwil er mwyn edrych ar y camau y gall rhanddeiliaid eu cymryd i sicrhau bod y sector yn cael cymaint o effaith â phosibl ar iechyd a gofal cymdeithasol.
Mae’n edrych ar y canlynol:
- Cefndir y papur
- Y cyd-destun presennol o ran iechyd a gofal statudol yng Nghymru
- Y cyd-destun presennol i rôl y sector mewn iechyd a gofal yng Nghymru
- Pwysau cyfredol ar ein system iechyd
- Ystyriaethau cymdeithasegol
- Cymorth y sector gwirfoddol i ganlyniadau iechyd a gofal
- Cynnal a datblygu rôl y sector gwirfoddol
ARGYMHELLION
Mae hefyd yn cynnig nifer o gamau argymelledig, gan gynnwys:
- Adnabod y gwahaniaethau rhwng y sector statudol a’r sector gwirfoddol, ac o fewn y sector gwirfoddol ei hunan, fel cryfder
- Ymgymryd ag ymgyrch gyfathrebu er mwyn cynyddu ymwybyddiaeth gyhoeddus a gwleidyddol o’r buddion y mae’r sector yn eu cyflwyno o fewn iechyd a gofal cymdeithasol
- Cefnogi mudiadau’r sector gwirfoddol i amrywio eu hincwm mewn modd priodol
- Sicrhau bod y sector yn cael y cyfle a’r gallu i gyfrannu’n llawn at fforymau gwerth cymdeithasol
- Hybu cydnabyddiaeth bod cydweithio rhwng y sector gwirfoddol a’r sector statudol yn seiliedig ar fwy na chyfnewid arian, mae’n cynnwys rhannu gwybodaeth, profiad neu safleoedd
- Grymuso pob ochr i gydnabod, a chwarae ei rôl unigryw a hanfodol fel rhan o ecoleg gymhleth iechyd a gofal yng Nghymru
GWYBODAETH BELLACH
I gael rhagor o wybodaeth am Brosiect Iechyd a Gofal CGGC, ewch i’r dudalen we.
Mae’r papurau eraill yn y gyfres hon yn cynnwys Gwerthoedd a gwerth y trydydd sector a Gwerthoedd a gwerth gwirfoddoli.