Rydym yn dathlu pumed pen-blwydd ein system Ceisiadau Amlbwrpas (MAP) – dyma sut mae wedi ein helpu i reoli a dosbarthu £130 miliwn o grantiau i fudiadau gwirfoddol yng Nghymru.
Ym mis Ionawr 2020 lansiodd CGGC ei system Ceisiadau Amlbwrpas i helpu i ddosbarthu arian i fudiadau gwirfoddol yng Nghymru. Cynlluniwyd y system i helpu sefydliadau mawr a bach i gael mynediad at gyllid mewn modd cyfeillgar a mwy hylaw.
Roedd MAP yn caniatáu i sefydliadau greu proffil ac uwchlwytho dogfennau safonol a allai fod eu hangen ar draws sawl cais am gyllid i geisio lleihau’r baich gweinyddol o wneud cais am grantiau.
Roedd hefyd yn caniatáu i sefydliadau weld cynnydd ceisiadau cyfredol, gweld cyflwyniadau hanesyddol a chadw i fyny â grantiau CGGC eraill a allai fod yn agored ac o ddiddordeb iddynt.
BETH MAE PUM MLYNEDD O MAP WEDI EIN HELPU I GYFLAWNI?
Ers ei lansio, mae MAP wedi gweld:
- 3,200 o sefydliadau cofrestredig
- 4,400 o ddefnyddwyr cofrestredig
- 3,250 o geisiadau ar draws 17 cynllun a 91 rownd.
Mae hyn i gyd wedi arwain at dros 2,900 o ddyfarniadau sy’n dod i gyfanswm o £130 miliwn mewn grantiau a £18 miliwn mewn arian cyfatebol.
YR HYN RYDYN NI WEDI’I ARIANNU
Drwy MAP rydym wedi ariannu ystod eang o brosiectau sy’n gwneud gwahaniaeth mawr i gymunedau yng Nghymru a thu hwnt. Rydym wedi cefnogi mudiadau gwirfoddol i:
- Delio ag effaith pandemig COVID-19
- Darparu manteision i Gymru ac Affrica
- Hyrwyddo a gwella gwirfoddoli yng Nghymru
- Gweithredu dros eu hamgylchedd lleol
- Gwneud y mwyaf o’u heffaith a chynyddu eu gwytnwch.
OES ANGEN MAP ARNOCH CHI?
Rydym yn diweddaru MAP yn gyson, i wella profiad y defnyddiwr ac ychwanegu nodweddion newydd. Un o’r newidiadau sydd ar ddod yw ein bod yn edrych ar gynnig tanysgrifiad i’r system i sefydliadau sy’n dosbarthu eu cronfeydd eu hunain.
Bydd hyn yn arbennig o berthnasol i’r rhai sy’n chwilio am system neu system well i reoli ceisiadau grant.
Os oes gennych ddiddordeb mewn darganfod mwy, cofrestrwch eich diddordeb.