Lansiwyd Gweithdrefnau Diogelu newydd Cymru ym mis Tachwedd 2019
Mae’n rhaid i elusennau a mudiadau yn y sector gwirfoddol fod yn ymwybodol o’r gweithdrefnau diogelu cenedlaethol newydd ar gyfer Cymru a lansiwyd ym mis Tachwedd 2019.
Mae’r gweithdrefnau’n manylu ar rolau a chyfrifoldebau hanfodol i ymarferwyr er mwyn sicrhau eu bod yn diogelu plant ac oedolion sydd mewn perygl o gael eu cam-drin a’u hesgeuluso. Maen nhw wedi eu cynllunio i safoni ymarfer ar draws Cymru a helpu ymarferwyr i roi’r canllawiau statudol ar waith yn Neddf Gwasanaethau Cymdeithasol a Llesiant (Cymru) 2014.
Pwrpas y gweithdrefnau hyn yw llywio ymarfer diogelu i bawb a gyflogir yn y sector statudol, y trydydd sector (gwirfoddol) a’r sector preifat ym maes iechyd, gofal cymdeithasol, addysg, yr heddlu, cyfiawnder a gwasanaethau eraill. Maent yn berthnasol i bob ymarferydd a rheolwr sy’n gweithio yng Nghymru – boed hwnnw’n gyflogedig gan asiantaeth ddatganoledig neu sydd heb ei datganoli.
Gallwch weld y gweithdrefnau ar y wefan Gweithdrefnau Diogelu Cymru
Mae’r gweithdrefnau ar gael hefyd fel ap defnyddiol y gellir ei lwytho i lawr i’ch ffôn. Mae’r ap ar gael gan Google Play ac Apple.
Eisiau gwybod mwy? Beth am ddarllen y Cwestiynau Cyffredin