Mae busnesau cymdeithasol yn cael effaith bositif ar gymunedau lleol Cymru a’r economi.
BUSNESAU CYMDEITHASOL YNG NGHYMRU
Bob dwy flynedd ers 2014, mae Cwmpas wedi bod yn monitro datblygiad a thwf busnesau cymdeithasol ledled Cymru drwy eu harolwg bob dwy flynedd. Mae’r gwaith ymchwil hwn wedi helpu i ddeall heriau a chyfleoedd y sector a nodi cyfleoedd am gymorth wedi’i dargedu.
Ydych chi’n fusnes cymdeithasol yng Nghymru? Os felly, gwahoddir chi i gymryd rhan yn arolwg eleni.
Y CANLYNIAD
Bydd yr wybodaeth a gesglir yn helpu i greu darlun o’r sector busnes cymdeithasol a dangos yr effaith y mae’n ei chael ledled Cymru.
Mae gan yr ymchwil hon nifer o nodau, sy’n cynnwys:
- Cynnal gwiriad iechyd o’r sector i nodi unrhyw heriau a chyfleoedd y mae busnesau yn eu hwynebu.
- Mapio maint a graddfa’r sector a sut mae hyn wedi newid ers yr arolwg diwethaf.
- Cyflwyno cyfeiriadur o fusnesau cymdeithasol er mwyn darparu cymorth sydd wedi’i dargedu mwy i fusnesau cymdeithasol yng Nghymru.
BETH SY’N GYSYLLTIEDIG?
Nod yr arolwg hwn yw casglu cymaint â phosibl o safbwyntiau gan amrywiaeth o fusnesau cymdeithasol ledled Cymru. Bydd yr arolwg byr wedi’i rannu’n ddwy ran:
- Gellir cwblhau’r rhan gyntaf ar-lein ac mae’n gofyn cwestiynau cyffredinol am eich busnes cymdeithasol.
- Ar ôl hyn, gwahoddir ymatebwyr i ateb cwestiynau ychwanegol drwy alwad ffôn gydag ymchwilydd er mwyn cael dealltwriaeth ddyfnach o’ch safbwyntiau ar rai o’r heriau a’r cyfleoedd a wynebir.
Bydd y canlyniadau terfynol a adroddir yn ddienw, gan obeithio y bydd hyn yn annog pobl i rannu eu barn fel y dymunant.
Er mwyn helpu i olrhain a monitro’r ymatebion, bydd angen enw eich busnes a rhif eich cwmni lle bo’n berthnasol. Mae trin gwybodaeth bersonol yn cael ei gymryd o ddifrif a bydd protocolau llym yn cael eu dilyn wrth drin data.
Am ragor o wybodaeth, edrychwch ar yr hysbysiad preifatrwydd.
Bydd pob busnes sy’n cwblhau’r arolwg yn cael ei roi i mewn i raffl i ennill dau docyn am ddim i Wobrau Busnes Cymdeithasol Cymru a £50.
CYMRYD RHAN
I rannu eich barn, ewch i Arolwg Busnesau Cymdeithasol yng Nghymru.
Os oes angen yr arolwg hwn arnoch mewn unrhyw fformat arall neu os hoffech ragor o wybodaeth am y prosiect hwn, cysylltwch â Megan Clark.
Y dyddiad cau ar gyfer ymateb i’r arolwg yw dydd Gwener 16 Mai 2025.