Mae’r Gronfa Ynni Glân yn cynorthwyo mudiadau gwirfoddol yng ngogledd Cymru i leihau allyriadau carbon a chreu arloesedd mewn ynni glân.
Mae tîm Buddsoddiad Cymdeithasol Cymru (SIC) CGGC yn gyffrous iawn o fod yn gweithio mewn partneriaeth ag Uchelgais Gogledd Cymru, Ynni Cymunedol Cymru ac Umi i gyflwyno’r Gronfa Ynni Glân newydd.
Trwy gefnogi arloesedd a seilwaith ynni glân, nod y gronfa yw gwneud gogledd Cymru yn chwaraewr allweddol yn ymdrechion y DU i drawsnewid i ynni adnewyddadwy, a chyflwyno buddion economaidd, amgylcheddol a chymdeithasol parhaol i’r ardal.
YNGLŶN Â’R GRONFA
Caiff y Gronfa Ynni Glân ei rhedeg gan Uchelgais Gogledd Cymru ac mae wedi’i rhannu’n ddwy is-gronfa.
- Mae CGGC yn gweithio mewn partneriaeth ag Ynni Cymunedol Cymru i gyflwyno is-gronfa’r sector gwirfoddol, gan gefnogi mudiadau gwirfoddol yng ngogledd Cymru i leihau eu hallyriadau carbon a chreu arloesedd mewn ynni glân
- UMi sy’n cyflwyno is-gronfa’r sector preifat, gan gefnogi busnesau i ddatblygu a gwella datrysiadau ynni glân ledled yr ardal
Am ragor o wybodaeth am y cynllun ehangach, ewch i wefan Uchelgais Gogledd Cymru
BETH FYDD YN EI GYLLIDO?
Mae’r Gronfa Ynni Glân yn cefnogi:
- Gwella effeithlonrwydd ynni
- Cynhyrchu ynni adnewyddadwy
- Datrysiadau ynni clyfar gan gynnwys storio
- Prosiectau ynni solar a llanw mawr
- Gwelliannau i weithrediadau sy’n arwain at gynhyrchu llai o garbon
Bydd 50% o’r cyllid yn grant (lleiafswm: £25,000, uchafswm: £500,000), 25% yn fenthyciad di-log (hyd at £250,000), a bydd angen i’r 25% sydd ar ôl fod yn gyllid cyfatebol.
PWY ALL YMGEISIO?
I fod yn gymwys ar gyfer y cynllun hwn:
- Rhaid i’ch mudiad fod wedi’i gyfansoddi’n briodol gyda strwythur llywodraethu cymwys
- Rhaid i’ch mudiad fod yng ngogledd Cymru (Conwy, Sir Ddinbych, Sir y Fflint, Gwynedd, Wrecsam ac Ynys Môn) neu fod â phresenoldeb yn yr ardal hon
- Rhaid i’r prosiect gael ei wneud o fewn gogledd Cymru
RHAGOR O WYBODAETH A GWNEUD CAIS
Am ragor o wybodaeth am y Gronfa Ynni Glân, cymhwysedd a sut i wneud cais, ewch i’n tudalen Cronfa Ynni Glân.