Rydyn ni’n chwilio am intern brwdfrydig a threfnus i gefnogi cyflwyniad Cyngres Hawliau Dynol Cymru 2026.
YNGLŶN Â’R RÔL
Rydyn ni’n chwilio am intern brwdfrydig a threfnus i gefnogi cyflwyniad Cyngres Hawliau Dynol Cymru 2026, a fydd yn cael ei chynnal ar 16 Medi yn Stadiwm Dinas Caerdydd.
Mae hwn yn gyfle cyffrous i gael profiad ymarferol o gydlynu digwyddiad, ymhél â rhanddeiliaid a gwneud gwaith sy’n ymwneud â pholisi, wrth gyfrannu at ddigwyddiad cenedlaethol sy’n canolbwyntio ar ddatblygu hawliau dynol yng Nghymru.
Gan weithio’n agos â’r Rheolwr Polisi Hawliau Dynol, byddwch yn chwarae rôl allweddol mewn helpu i gynllunio, hyrwyddo a chyflwyno’r Gyngres, yn ogystal â chefnogi gweithgareddau ehangach sy’n gysylltiedig â pholisi ac ymgysylltu hawliau dynol.
Lleoliad: Caerdydd
Cyflog: £13.45 yr awr
Oriau: 35 awr yr wythnos, yn hyblyg (ystyrir rhan-amser)
Hyd: Mehefin – Medi 2026
YR HYN BYDDWCH CHI’N EI WNEUD
Byddwch yn cynorthwyo ar draws gweithgareddau amrywiol, gan gynnwys:
- Cynorthwyo â datblygiad rhaglen ac agenda’r Gyngres
- Rhoi cymorth gweinyddol a chydlynol i’r gweithgorau trefnu a pholisi
- Helpu i drefnu a hyrwyddo sesiynau hyfforddiant a gwybodaeth cyn y digwyddiad
- Cysylltu â siaradwyr, dehonglwyr a phartneriaid y digwyddiad
- Cefnogi’r gwaith o gyfathrebu a hyrwyddo er mwyn annog pobl i ddod
- Ymateb i ymholiadau ynghylch y Gyngres
- Rhoi cymorth ar y dydd yn nigwyddiad y Gyngres
YR HYN RYDYM YN CHWILIO AMDANO
- Ymrwymiad i hawliau dynol, cydraddoldeb a chynhwysiant
- Dealltwriaeth o weinyddiaeth a/neu ddigwyddiadau neu gynadleddau
- Sgiliau trefnu a chyfathrebu cryf
- Dull gweithredu rhagweithiol a chydweithredol
- Ymrwymiad i greu amgylchedd cynhwysol a gwrth-hiliol
YR HYN FYDDWCH CHI’N EU HENNILL
- Profiad ymarferol o gyflwyno digwyddiad cenedlaethol mawr
- Cael mewnwelediad i ddatblygu polisïau a chefnogi hawliau dynol
- Cyfleoedd i feithrin sgiliau mewn digwyddiadau, cyfathrebiadau ac ymhél â rhanddeiliaid
- Mentora a chymorth drwy gydol y lleoliad
SUT I WNEUD CAIS
Cyflwynwch:
- Eich CV
- Llythyr eglurhaol yn egluro sut rydych yn bodloni’r meini prawf yn y disgrifiad o’r rôl a’ch diddordeb yn y rôl
Sicrhewch eich bod yn cynnwys unrhyw waith, gwirfoddoli neu brofiad dysgu perthnasol.
Dyddiad cau: Dydd Iau 11 Mehefin – hanner nos
Rydym yn bwriadu cael sgwrs strwythuredig â’r ymgeiswyr a ddewisir ar 18 Mehefin 2026.