Archebion

Anfonir cyfarwyddiadau ymuno cyn y cwrs hyfforddi/gweminar yn cadarnhau’r dyddiad, yr amseroedd dechrau/gorffen, y lleoliad a chyfarwyddiadau ar sut i gyrraedd.

Cysylltwch a ni ar training@wcva.cymru neu 0300 111 0124 os nad ydych wedi cael y cyfarwyddiadau ymuno o leiaf wythnos cyn y cwrs hyfforddi/gweminar.

Ffioedd

Mae ffioedd cyfranogwyr yn cyfrannu tuag at gostau cynnal y cwrs gan gynnwys gweinyddu, y lleoliad, treuliau’r hyfforddwr a deunyddiau a ddarperir gan CGGC.

Ar gyfer cyrsiau achrededig, bydd y ffioedd hefyd yn cynnwys cinio ar holl ddyddiadau’r cwrs. Codir ffi ychwanegol ar gyfranogwyr sy’n cofrestru i gwblhau’r broses asesu.

Ffioedd cwrs ar-lein

Ffioedd cyrsiau dosbarth

Ddim yn siŵr a ydych chi’n Bartner Sector Gwirfoddol gydag CGGC? Gwiriwch yma.

Ddim yn siŵr a ydych chi’n Bartner Ymgysylltiedig gydag CGGC? Gwiriwch yma.

Gofynion y cwrs

Er mwyn gwneud yn siŵr eich bod yn cael y profiad gorau ar ein cyrsiau, gofynnwn y canlynol ohonoch chi;

• Sicrhewch eich bod yn mynychu’r holl hyfforddiant
• Profwch eich mynediad Zoom/Teams cyn mynychu
• Cyrhaeddwch 5-10 munud yn gynnar – mae’n bosibl na fydd pobl sy’n cyrraedd yn hwyr yn cael mynediad (ar-lein)
• Cyrhaeddwch 15 munud yn gynnar – i gael lluniaeth a chofrestru (ystafell ddosbarth)
• Cadwch eich camera ymlaen a chymerwch ran drwy’r microffon/sgwrs lle’n bosibl
• Rhowch wybod i ni pan fyddwch yn archebu os oes gennych unrhyw ofynion mynediad (e.e. cyfieithydd Iaith Arwyddion Prydain (BSL))
• Sicrhewch eich bod yn gallu derbyn hysbysiadau gan LUMA fel y gallwch dderbyn cyfarwyddiadau ymuno ac adnoddau
• Os na allwch fynychu, e-bostiwch archebion@wcva.cymru (gweler ein polisi canslo)

Polisi canslo

Cyffredinol

• Dim onddrwy hysbysiad ysgrifenedigy gellir canslo neu ohirio
• Pe bai CGGC yn canslo cwrs hyfforddi rhoddir ad-daliad llawn
• Pe bai cyfranogwr yn canslo neu’n gohirio, codir y ffioedd canlynol:
  • 22 ddiwrnod neu fwy cyn y digwyddiad – dim ffi
  • 15-21 diwrnod cyn y digwyddiad – 50 y cant o ffi’r cwrs
  • 14 diwrnod neu lai (neu os nad ydych yn dod i’r cwrs ar ôl cadw lle) – 100 y canto ffi’r cwrs

Wrth gadw lle yn un o gyrsiau hyfforddi CGGC rydych yn cytuno i gydymffurfio â’r telerau a’r amodau uchod.

Defnyddio’ch gwybodaeth bersonol

Mae Cyngor Gweithredu Gwirfoddol Cymru (CGGC) yn Rheolydd Data, wedi’i gofrestru â Swyddfa’r Comisiynydd Gwybodaeth (Yr ICO) o dan Reoliad Diogelu Data Cyffredinol y DU (UK GDPR), a’i deilwra gan Ddeddf Diogelu Data 2018. Mae eich preifatrwydd yn bwysig iawn i ni ac ni fyddwn ond yn defnyddio’ch gwybodaeth bersonol i weinyddu’r cwrs hyfforddi/gweminar hwn a darparu’r cynhyrchion a/neu’r gwasanaethau rydych wedi gofyn amdanynt oddi wrthym.

Yn CGGC rydym yn cadw’ch manylion cyswllt yn ein cronfa ddata Rheoli Cysylltiadau Cwsmeriaid (CRM) ac yn defnyddio Luma fel ein system archebu. Gweler hysbysiad preifatrwydd CGGC i gael gwybod sut y defnyddir eich gwybodaeth, pwy all gael ati, y seiliau cyfreithlon dros ddal eich gwybodaeth a’ch hawliau mewn perthynas â’r wybodaeth hon. Gweler hysbysiad preifatrwydd Luma’s i gael gwybod sut maent hwythau’n defnyddio’ch gwybodaeth.

Sylwch hefyd, er mwyn galluogi mudiadau i rwydweithio, bydd eich enw, e-bost a’r mudiad rydych yn ei gynrychioli ar gael i gyfranogwyr eraill a hyfforddwr y cwrs hyfforddi neu’r digwyddiad hwn.

Os hoffech dderbyn manylion am eich cyrsiau hyfforddi a’n digwyddiadau tanysgrifiwch i roi’ch enw ar ein rhestr ohebu.