Gwirfoddolwyr yw enaid sefydliadau gwirfoddol a chymunedol yng Nghymru. Maen nhw’n dod â chymaint o fuddion – ond mae recriwtio a chadw gwirfoddolwyr yn golygu creu amgylchedd cadarnhaol a chefnogol.
Mae tudalennau’n cynnwys taflenni gwybodaeth sy’n ymdrin ag ystod eang o bynciau a chyngor, polisïau enghreifftiol, adnoddau, gwybodaeth am gyllid grant a mwy. Os ydych chi’n gweithio gyda gwirfoddolwyr yng Nghymru, neu’n meddwl am wirfoddoli, yna mae gennym bopeth ar eich cyfer.
Mae Gwirfoddoli Cymru yn lwyfan digidol ar gyfer gwirfoddoli gan Cefnogaeth Trydydd Sector Cymru (TTSW). Mae’r llwyfan yn cynnal canoedd o gyfleoedd gwirfoddoli ledled Cymru mewn un lle, yn ei gwneud yn hawdd I bobl ddod o hyd a recriwtio gwirfoddolwyr – neu cychwyn ar eich taith gwirfoddoli eich hunain.
Dylanwadu | Gwirfoddoli |
Dylanwadu | Gwirfoddoli | Gwybodaeth a chymorth |
Cyhoeddwyd: 02/08/24 | Categorïau: Gwirfoddoli | Gwybodaeth a chymorth |
Cyhoeddwyd: 12/07/24 | Categorïau: Gwirfoddoli | Gwybodaeth a chymorth |
Cyhoeddwyd: 21/06/24 | Categorïau: Dylanwadu | Gwirfoddoli | Gwybodaeth a chymorth |
Dyddiadau cyrsiau newydd yn dod yn fuan – cofrestrwch ar ein rhestr bostio i fod y cyntaf i glywed.
Dydd Santes Dwynwen
25 Ionawr
Santes Dwynwen yw Nawddsant cariadon Cymru, fersiwn Cymru o Sant Ffolant. Ar Dydd Santes Dwynwen a Dydd Sant Ffolant bydd y rheini sy’n #carugwirfoddoli yn rhannu eu straeon ar gyfryngau cymdeithasol.
Dydd Sant Ffolant
14 Chwefror
Ymunwch â ni i ddathlu cariad … at wirfoddolwyr. Ar Ddydd Sant Ffolant bydd y rheini sy’n dwli ar wirfoddoli yn defnyddio’r hashnod i rannu eu straeon nhw neu straeon gwirfoddolwyr ysbrydoledig.
Wythnos Gwirfoddoli’r Myfyrwyr
8-14 Chwefror
Mae Wythnos Gwirfoddoli’r Myfyrwyr, a redir gan y Rhwydwaith Gwirfoddoli Myfyrwyr, yn amlygu gwirfoddoli a gweithredu cymdeithasol myfyrwyr a’r buddion i fyfyrwyr a’r prosiectau y maen nhw’n eu rhedeg.
Diwrnod Microwirfoddoli
15 Ebrill
Cymerwch ran mewn ‘gweithrediadau blasu, ar gais, heb ymrwymiad sy’n fuddiol i achos gwerth chweil’ – neu ficrowirfoddoli. Mae’r Diwrnod Microwirfoddoli yn gyfle i blatfformau, mudiadau ac unigolion microwirfoddoli ddangos pŵer microwirfoddoli.
Wythnos Gwirfoddolwyr
1-7 Mehefin
Yr wythnos hon yw un o’r rhai pwysicaf yn ein calendr bob blwyddyn. Mae’r Wythnos Gwirfoddolwyr yn ddathliad blynyddol o’r cyfraniad y mae miliynau o bobl ledled y DU yn ei wneud drwy wirfoddoli.
Wythnos Elusennau Bach
14-19 Mehefin
Mae’r Wythnos Elusennau Bach yn dathlu ac yn codi ymwybyddiaeth o waith hanfodol sector elusennau bach y DU a phopeth y mae elusennau bach yn eu gwneud i newid bywydau pobl o bob cwr o’r byd.
Eisteddfod Genedlaethol
Mae’r Eisteddfod Genedlaethol, a gynhelir yn ystod wythnos gyntaf mis Awst bob blwyddyn, yn ddathliad o ddiwylliant ac iaith Cymru.
Diwrnod Rhyngwladol Rheolwyr Gwirfoddolwyr
5 Tachwedd
Diwrnod i ddathlu’r proffesiwn arweinyddiaeth gwirfoddolwyr. Mae Rheolwyr Gwirfoddolwyr yn newid bywydau, bywydau’r gwirfoddolwyr eu hunain a’r rheini sy’n cael eu gwasanaethu gan wirfoddolwyr a arweinir yn dda.
Wythnos Ymddiriedolwyr
1-5 Tachwedd
Mae’r Wythnos Ymddiriedolwyr yn ddigwyddiad blynyddol i amlygu gwaith gwych ymddiriedolwyr a thynnu sylw at y cyfleoedd i bobl o bob lliw a llun i ymuno a gwneud gwahaniaeth
Wythnos #byddaf
22-26 Tachwedd
Mae wythnos #byddaf yn gyfle gwych i hyrwyddo’r rolau y gall pobl ifanc eu chwarae i ddod â chymunedau ynghyd i ddatrys heriau cyffredin. Cefnogir yr ymgyrch #byddaf gan fwy na 1,000 o fudiadau ledled y DU a’r nod yw gwneud cyfranogi mewn gweithredu cymdeithasol fel gwirfoddoli, codi arian, mentora ac ymgyrchu yn beth arferol i bobl ifanc rhwng 10 a 20 oed.
Diwrnod Rhyngwladol Gwirfoddolwyr
5 Rhagfyr
Gwnaeth y Cenhedloedd Unedig greu’r Diwrnod Rhyngwladol Gwirfoddolwyr ym 1985 i ddathlu ‘pŵer a photensial gwirfoddoliaeth’. Mae’r diwrnod yn codi ymwybyddiaeth o’r cyfraniad y mae gwirfoddolwyr yn ei wneud i’w cymunedau.