Fodd bynnag, yma yn CGGC, rydym yn cadw at ein haddewid. Mae ein staff yn dweud wrthym ein bod gwneud llawer mwy na chynnig mentrau gwych yn unig, megis cynnig cynllun gwirfoddoli i staff, ac rydym yn gwneud pob ymdrech i sicrhau y gallwn gymryd mantais llawn ohonynt.
Mae sawl rheswm gwych ichi ymuno â thîm CGGC. Fel nifer o elusennau, rydym yn cynnig ystod eang o fuddion a chyflogaeth hyblyg sy’n gwneud gwahaniaeth.
Beth y gall CGGC ei gynnig i chi fel aelod o staff
Cyfleoedd gwych i ddatblygu eich gyrfa.
Drwy ein rhaglen hyfforddi staff, rydym yn sicrhau eich bod yn llwyddo yn eich rôl ac yn dysgu’r sgiliau i’ch helpu i ddatblygu a symud ymlaen yn eich gyrfa.
Teimlo’n rhan o rywbeth.
CGGC yw y lle i ddechrau gyrfa yn y sector elusennau yng Nghymru. Rydym yn cynnig cyfle ichi ddysgu’n uniongyrchol am y gwaith arbennig a wneir gan fudiadau gwirfoddol ledled y wlad, a’r cyfle i’w galluogi i wneud mwy o wahaniaeth gyda’n gilydd.
Staff CGGC yn cael trefn ar ddillad yng Nghanolfan Ofal Tenovusfel rhan o’n cynllun Gwirfoddolia Gefnogirgan Gyflogwr
A allai gweithio i ni weithio i chi?
- Tîm sy’n angerddol dros ein gwaith ac sy’n gofalu am ein staff
- Cyflogwr Hyderus ag Anableddau cydnabyddedig a chyflogwr sy’n cynnig cyfleoedd cyfartal
- Cymorth i’n staff drwy ein Rhaglen Cymorth i Weithwyr a’n haddewid i ofalu am iechyd meddwl ein gweithlu
- Cyflog sy’n adlewyrchu’r cost byw go iawn, rydyn ni’n gyflogwr cyflog byw
- Ymrwymiad i’ch datblygu chi drwy ein hachrediad Buddsoddwyr mewn Pobl
- Cynllun Gwirfoddoli i’n Staff gan eich annog chi i dreulio amser yn cefnogi’r achosion yr ydych chi’n angerddol yn eu cylch
- Mudiad â sicrwydd ansawdd sydd wedi ennill achrediad Marc Elusen Ddibynadwy
Trefniadau gweithio hyblyg i bawb
Rydyn ni’n gweithredu cynllun ‘flexi’ i’ch helpu chi i ffitio eich gyrfa o amgylch eich ymrwymiadau personol, yn ogystal â 25 diwrnod o wyliau blynyddol, â gwyliau banc ar ben hynny, a phum diwrnod arall drwy disgresiwn (a gaiff eu defnyddio fel arfer pan fo’r swyddfa wedi cau dros y Nadolig). Rydym hefyd yn cynnig cyfraniadau pensiwn hael.
Y Gymraeg
Rydym yn ymrwymo’n llwyr i ddarparu ein gwasanaethau’n ddwyieithog ac yn annog staff i gyfathrebu’n naturiol yn eu hiaith ddewisol.
Gellir gweld y fframwaith rydym yn ei ddefnyddio i asesu sgiliau Cymraeg ein staff yma.
Asesir pob swydd newydd a gwag yng nghyd-destun natur y swydd. Mynegir gofynion iaith Gymraeg swydd yn y Disgrifiad Swydd.
Swyddi gwag
Cyfarwyddwr Cyllid
Ydych chi’n barod i arwain dyfodol ariannol mudiad sy’n ganolog i sector gwirfoddol Cymru? Fel Cyfarwyddwr Cyllid CGGC, byddwch yn chwarae rôl annatod mewn gyrru strategaeth ariannol a llunio twf cynaliadwy. Os ydych chi’n frwd am wneud gwahaniaeth ac yn chwilio am swydd arweinyddiaeth lle bydd eich arbenigedd yn cynorthwyo cymunedau a mentrau gwirfoddol ledled Cymru’n uniongyrchol, dyma’ch cyfle chi i ymgymryd â her ag effaith.
Swyddog Cyllid
Rydym yn chwilio am unigolyn brwdfrydig a threfnus i ymuno â’n Hadran Gyllid fel Swyddog Cyllid.
Peidiwch â cholli’r cyfle
Os hoffech chi gael gwybod rhagor am gyfleoedd yn CGGC yn y dyfodol, anfonwch neges e-bost at people@wcva.cymru i danysgrifio i’n rhestr e-bost.
Swyddi eraill yn y sector
Chwilio am swydd lle gallwch chi wneud gwahaniaeth? Mae recriwt3 yn wefan benodol ar gyfer canfod pobl fedrus, uchelgeisiol i weithio yn y sector gwirfoddol.
