Edrychwch ar y rhaglen gyffrous o ddigwyddiadau a gwnewch yn siŵr eich bod yn cofrestru ar gyfer eich lle am ddim yn gofod3 2025.
Gellir cofrestru nawr felly ymunwch â ni am amserlen gyffrous a phrysur o siaradwyr, dosbarthiadau meistr, trafodaethau panel a gweithdai ar 2 Gorffennaf 2025 yn Stadiwm Dinas Caerdydd. Gallwn ni eich sicrhau chi y bydd rhywbeth at ddant pawb.
Fel yn y blynyddoedd cynt, bydd y digwyddiad am ddim i fynychu, ond gyda chapasiti cyfyngedig ar bob sesiwn, rhaid cadw lle ymlaen llaw. Gallwch weld y rhaglen ddigwyddiadau lawn yma.
PAM DOD I GOFOD3?
Waeth a ydych chi’n ymddiriedolwr, yn aelod staff, yn wirfoddolwr neu’n bob un o’r rhain, dyma eich gofod chi i fyfyrio, dysgu a chynllunio ar gyfer y dyfodol.
Gofod i fyfyrio
Dyma eich gofod chi i bwyso a mesur a meddwl am y pethau sy’n bwysig i chi. Mae’n gyfle i rannu storïau, edrych ar ffyrdd o gael cydbwysedd iach rhwng bywyd a gwaith a darganfod y sector.
Gofod i ddysgu
Dyma eich gofod chi i ddysgu sgiliau a gwybodaeth newydd i’ch helpu i lywio eich hun ac eraill drwy faes anghyfarwydd. Mae’n gyfle i ddysgu o ddosbarthiadau meistr a arweinir gan arbenigwyr a gweithdai rhyngweithiol sy’n cynnig ystod eang o bynciau a thrafodaethau.
Gofod i gynllunio
Dyma eich gofod chi i ddechrau ar eich cynlluniau, er mwyn sicrhau bod eich mudiad nid yn unig yn dod drwyddi, ond ei fod hefyd yn ffynnu. Mae’n gyfle i wneud cysylltiadau gwerthfawr, gofyn cwestiynau heriol a chael eich ysbrydoli.
MANTEISIO I’R EITHAF AR GOFOD3
gofod3 yw eich gofod unigryw chi. Dyma rai ffyrdd o sicrhau eich bod yn cael y gorau o’ch diwrnod.
- Cofiwch nad cynhadledd ffurfiol gydag amserlen lem ar gyfer dod i sesiynau mo gofod3. Mae croeso i chi ddod i gymaint ag y dymunwch o ddigwyddiadau yn ystod y dydd, ond cofiwch ei bod hi’n bwysig iawn eich bod yn gofalu am eich hun
- Peidiwch ag oedi – cofrestrwch ar gyfer eich digwyddiadau cyn gynted â phosibl. Gallwch ddewis cymaint ag y dymunwch, ond bydd angen cofrestru ar gyfer pob sesiwn ar wahân. Cliciwch yma i bori drwy’r amserlen (yn ôl pwnc, amser a mudiad)
- Dysgwch o’ch gilydd – gwnewch yn siŵr eich bod yn ymweld â’r farchnad brysur ac yn gwneud cysylltiadau ag eraill a allai eich helpu i fynd â’ch gwaith i’r lefel nesaf
- Byddwch yn garedig â chi’ch hun a mwynhewch!
RHAGOR O WYBODAETH
Am ragor o wybodaeth, ewch i wefan gofod3.