Mae CGGC yn hwyluso ymgysylltiad o dan y cynllun hwn trwy gyfarfodydd bob dwy flynedd gyda phob Gweinidog, ynghyd â chyfarfodydd Cyngor Partneriaeth y Trydydd Sector.

CYNLLUN Y TRYDYDD SECTOR

Mae Cynllun y Trydydd Sector yn ddarn statudol o ddeddfwriaeth sy’n nodi sut y bydd Llywodraeth Cymru a’r sector gwirfoddol yn cydweithio ac yn cyfathrebu â’i gilydd. 

Mae’n cynnig llwybrau ffurfiol i’r sector siarad â’r Llywodraeth a chodi pryderon ynghylch ein haelodau a defnyddwyr ein gwasanaethau. Mae’r rhain yn cynnwys cyfarfodydd bob chwe mis gyda Chyngor Partneriaeth y Trydydd Sector, yn ogystal â chyfarfodydd pob chwe mis rhwng rhwydweithiau’r sector a Gweinidogion Llywodraeth Cymru. Mae’r cyfarfodydd hyn ymysg y dulliau allweddol y mae’r sector yn eu defnyddio i ddylanwadu ar Lywodraeth Cymru.

CYNGOR PARTNERIAETH Y TRYDYDD SECTOR

Mae Cyngor Partneriaeth y Trydydd Sector yn ddull allweddol y gall sefydliadau gwirfoddol ei ddefnyddio i siarad â Llywodraeth Cymru a chlywed ganddi.

Jane Hutt AS yw cadeirydd y cyngor ac mae’n cynnwys cynrychiolwyr o rwydweithiau’r sector gwirfoddol sy’n gweithio ar draws 25 o feysydd gweithgaredd y sector, ynghyd â Lindsay Cordery-Bruce, Prif Weithredwr CGGC.

Prif ddiben y Cyngor yw sicrhau bod yr egwyddorion a nodwyd yng Nghynllun y Trydydd Sector yn cael eu rhoi ar waith. Mae hefyd yn rhoi cyfle i’r sector godi materion sydd o ddiddordeb neu sy’n peri pryder. 

Mae etholiadau’r cyngor yn cael eu cynnal bob pum blynedd. Mae’r aelodau presennol a’r rhwydweithiau y maent yn eu cynrychioli fel a ganlyn:

Enw	Maes diddordeb	Rhwydwaith
Kathryn Robson	Addysg a Hyfforddiant	Addysg Oedolion Cymru
Rhian Davies	Anabledd	Grŵp Cyfeirio Anabledd Cymru
Sheila Hendrickson Brown	Canolwyr Lleol a Rhanbarthol	Cynghorau Gwirfoddol Sirol Cymru
Andrea Cleaver	Ceiswyr Lloches a Ffoaduriaid	Cyngor Ffoaduriaid Cymru
Gareth Coles	Celfyddydau, Diwylliant a Threftadaeth	Bywydau Creadigol
Matthew Williams	Chwaraeon a Hamdden	Cymdeithas Chwaraeon Cymru
Iestyn Davies	Crefydd	Cyngor Rhyng-ffydd Cymru
Bernie Bowen Thomson	Cyfiawnder Cymunedol	Cyfiawnder Cymunedol Cymru
Owen Derbyshire	Cyflogaeth	Cadwch Gymru’n Daclus
Chris Johnes	Cymunedau	Ymddiriedolaeth Adeiladu Cymunedau
Helene Hayes	Cyngor ac Eiriolaeth	Fforwm y Darparwyr Cyngor Annibynnol
Richard Flowerdew	Gwirfoddoli	Rhwydwaith Gwirfoddoli Cymru
Kate Young	Iechyd, Gofal Cymdeithasol a Llesiant	Grŵp Cynllunio Iechyd, Gofal Cymdeithasol a Llesiant
Paul Glaze	Ieuenctid	Cyngor Cymreig y Gwasanaethau Ieuenctid Gwirfoddol
Kofo Oladunjoye a Priscilla Addey-Blankson	Lleiafrifoedd Ethnig	Race Council Cymru
Selima Bahadur	Lleiafrifoedd Ethnig	Tim Cymorth Lleiafrifoedd Ethnig a Ieuenctid Cymru
David Bowles	Lles Anifeiliaid	Rhwydwaith Lles Anifeiliaid Cymru
Bethan Webber	Menter Gymdeithasol	Y Rhwydwaith Menter Gymdeithasol
Hugh Russell	Plant a Theuluoedd	Plant yng Nghymru
Victoria Lloyd	Pobl Hŷn	Cynghrair Henoed Cymru
Lindsay Coredery-Bruce	Prif Weithredwr CGGC	Cynrychiolydd CGGC
Hayley Morgan	Rhyngwladol	Canolfan Materion Rhyngwladol Cymru
Anna Brown	Rhywedd	Rhwydwaith Cydraddoldeb Menywod Cymru
– Gwag –	Rhywioldeb
Ruth Power	Tai	Cartrefi i Gymru Gyfan
Lowri Jones	Y Gymraeg	Mentrau Iaith Cymru
Karen Whitfield	Yr Amgylchedd	Cyswllt Amgylchedd Cymru

Gweler cofnodion cyfarfodydd diweddar TSPC yma.

CYFARFODYDD Â’R GWEINIDOGION

Fel rhan o Gynllun y Trydydd Sector, mae pob Gweinidog yn Llywodraeth Cymru wedi ymrwymo i gwrdd â chynrychiolwyr o rwydweithiau perthnasol sefydliadau gwirfoddol sy’n cwmpasu eu meysydd cyfrifoldeb o leiaf ddwywaith mewn un flwyddyn galendr. Mae CGGC yn gyfrifol am drefnu o leiaf dau gyfarfod cynllunio ar gyfer y rhwydwaith er mwyn paratoi ar gyfer pob cyfarfod, a hefyd mae’n sicrhau bod y materion a godir gan y sector gwirfoddol yn berthnasol yn gyffredinol i’r holl sector er mwyn sicrhau bod y cyfarfodydd mor effeithiol â phosibl.

PORTFFOLIOS Y GWEINIDOGION AC ARWEINWYR CGGC

Portffolios	Gweinidogion y Cabinet
Prif Weinidog	Rhun ap Iorwerth AS
Dirprwy Brif Weinidog, Cyfiawnder Cymdeithasol a Chydraddoldeb	Sioned Williams AS
Cyllid	Elin Jones AS
Trefnydd, Prif Chwip a Diwylliant a Chwaraeon	Heledd Fychan AS
Effeithiolrwydd Llywodraeth a’r Cyfansoddiad	Dafydd Trystan Davies AS
Iechyd a Gofal	Mabon ap Gwynfor AS
Menter, Cysylltedd ac Ynni	Adam Price AS
Addysg a’r Gymraeg	Anna Brychan AS
Gwydnwch Gwledig a Chynaliadwyedd	Llyr Gruffydd AS
Llywodraeth Leol, Tai a Chynllunio	Siân Gwenllian AS
	Dirprwy Weinidogion
Iechyd Cyhoeddus ac Ataliol	Nerys Evans AS
Gofal Cymdeithasol, Iechyd Meddwl ac Iechyd Menywod	Delyth Jewell AS
Trafnidiaeth	Mark Hooper AS
Sgiliau ac Addysg Drydyddol	Cefin Campbell AS
	Arall
Chomisiynydd Cenedlaethau’r Dyfodol	Derek Walker

Cysylltwch â policy@wcva.cymru i gael mwy o wybodaeth.

PAPURAU O’R CYFARFODYDD Â’R CABINET BLAENOROL

Mae copïau o’r papurau o’r cyfarfodydd â’r Cabinet blaenorol ar gael ar gais. Cysylltwch â policy@wcva.cymru e-bost neu ffoniwch 0300 111 0124.

Y GYNGHRAIR CYDRADDOLDEBAU A HAWLIAU DYNOL

Mae’r Gynghrair Cydraddoldebau a Hawliau Dynol yn rhwydwaith sy’n galluogi sefydliadau sy’n gweithio yn y maes cydraddoldebau a hawliau dynol i ymgysylltu â’i gilydd, i rannu gwybodaeth ac arferion da ac i ddylanwadu ar bolisi sy’n effeithio ar brofiadau pobl sy’n wynebu ymdriniaeth anghyfartal a gwahaniaethol yng Nghymru.

Mae CGGC yn hwyluso’r rhwydwaith hon. Cysylltwch â Livia Pietromarchi am ragor o wybodaeth yn policy@wcva.cymru neu ar 0300 111 0124.