Rydym hefyd yn cynnal cyfres o ddigwyddiadau rhanbarthol ledled Cymru gyda’n partneriaid Cyngor Gwirfoddol Sirol, Cefnogi Trydydd Sector Cymru yn ogystal â chael presenoldeb yn yr Eisteddfod Genedlaethol i ddangos y gwaith gwych sy’n cael ei wneud gan elusennau yng Nghymru.
Dyma ein calendr o ddigwyddiadau am ddim i fudiadau gwirfoddol yng Nghymru.
Mae’r Wythnos Diogelu yn cael ei chynnal rhwng 10 a 14 Tachwedd 2025 – dyma restr o ddigwyddiadau y bydd CGGC a mudiadau eraill yn eu cynnal ar gyfer yr achlysur.
Yn 2026, mae The Hospital Saturday Fund yn bwriadu rhoi oddeutu £2.3 miliwn mewn grantiau i bob math o elusennau sy’n gysylltiedig â meddygaeth ledled y Deyrnas Unedig a Gweriniaeth Iwerddon ar gyfer prosiectau meddygol, gofal, gwaith ymchwil neu gefnogaeth i hyfforddiant meddygol. Mae’n bleser gan CGGC wahodd Dee Wright, Rheolwr Elusennau a Digwyddiadau The Hospital Saturday Fund, i ddigwyddiad Cwrdd â’r Cyllidwr ar-lein. Bydd Dee yn cyflwyno ar fformat y cylchau cyllido, yn egluro’r meini prawf cymhwysedd, yn rhoi ychydig o awgrymiadau da ar gyflwyno cais cryf ac yn cymryd rhan mewn sesiwn holi ac ateb gyda’r mynychwyr.
Oes gennych chi rywbeth i’w rannu gyda mudiadau gwirfoddol yng Nghymru? Rydym nawr yn derbyn ceisiadau ar gyfer cynnal digwyddiadau a gofod arddangos yn gofod3 2025.
Mae Gwobrau Elusennau Cymru, a drefnir gan CGGC, yn cydnabod ac yn dathlu’r cyfraniad gwych y mae elusennau, grwpiau cymunedol, mudiadau dielw a gwirfoddolwyr yn ei wneud i Gymru drwy amlygu a hyrwyddo’r gwahaniaeth cadarnhaol y gallwn ei wneud i fywydau ein gilydd.
I gael rhagor o wybodaeth am y gwobrau, ewch i: gwobrauelusennau.cymru
gofod3 yw’r digwyddiad yr ydym yn ei drefnu ar y cyd â’r sector gwirfoddol yng Nghymru. Yn annhebyg i unrhyw ddigwyddiad arall yng Nghymru, dyma ein gofod ni i ddysgu gan ein gilydd, cymell ein gilydd ac ysbrydoli ein gilydd. Mae’n cynnig cyfle prin i’r trydydd sector ddod ynghyd a sbarduno newid yng Nghymru.
I gael rhagor o wybodaeth ynghylch gofod3, ewch i: www.gofod3.cymru
Mae Wythnos Ymddiriedolwyr yn ddigwyddiad blynyddol i ddangos y gwaith gwych y mae ymddiriedolwyr yn ei wneud ac i dynnu sylw at gyfleoedd i bobl o bob cefndir i gymryd rhan a gwneud gwahaniaeth. Rydym yn dathlu’r wythnos drwy gynnal digwyddiad ar bwnc sy’n berthnasol i Gadeiryddion ac Ymddiriedolwyr. Mae digwyddiadau blaenorol wedi cynnwys trafod y berthynas rhwng Cadeirydd a Phrif Weithredwr, yr heriau y mae Cadeiryddion yn eu hwynebu yn eu rôl a chreu diwylliant cadarnhaol ar y bwrdd.
I gael rhagor o wybodaeth, ewch i www.trusteesweek.org
Ym mis Awst bob blwyddyn, mae gennym stondin yn yr Eisteddfod Genedlaethol, sef dathliad mwyaf Cymru o’n diwylliant a’n hiaith. Rydym yn dangos mor eang yw’r sector elusennau yng Nghymru drwy wahodd elusennau i ymuno â ni ar ein stondin gan gynnal gweithgareddau drwy gydol yr wythnos. Os hoffech ymuno â ni yn yr Eisteddfod y flwyddyn nesaf, cysylltwch ar bob cyfri!
