Statws presennol y gronfa
Bydd y gronfa yn derbyn ceisiadau rhwng 31 Awst 2026 a 19 Hydref 2026, gweler yr amserlen isod am ragor o fanylion.
Ar y dudalen hon
- Ynglŷn â’r gronfa
- Beth fyddwn ni’n ei gyllido
- Cymhwysedd a beth sydd ar gael
- Amserlenni
- Sut i wneud cais
- Sesiwn wybodaeth
- Cysylltu â ni
- Adnoddau
Ynglŷn â’r gronfa
Wedi’i gyllido gan Iechyd Cyhoeddus Cymru (PHW) a’i weinyddu gan CGGC, bydd Niwed Gamblo – Grant y Sector Gwirfoddol yn cryfhau gallu Cymru i atal niwed sy’n gysylltiedig â gamblo trwy weithredu seiliedig ar dystiolaeth a arweinir gan y gymuned. Mae’r gronfa yn cydnabod y rôl hanfodol y mae mudiadau gwirfoddol, grwpiau cymunedol a mentrau cymdeithasol yn ei chwarae wrth gyrraedd cymunedau, mynd i’r afael ag anghydraddoldebau a helpu pobl i ffynnu.
Mae’r rhaglen yn rhan o ddull iechyd cyhoeddus newydd o atal niwed sy’n gysylltiedig â gamblo yng Nghymru, gan ganolbwyntio ar y ffactorau cymdeithasol, economaidd ac amgylcheddol sy’n cyfrannu at niwed a chynhyrchu dysgu a fydd yn helpu i lunio polisi ac arferion yn y dyfodol.
Beth fyddwn ni’n ei gyllido
Nod y cynllun Niwed Gamblo – Grant y Sector Gwirfoddol yw cefnogi mudiadau a all helpu i:
- Brofi a datblygu dulliau effeithiol o atal niwed sy’n gysylltiedig â gamblo.
- Cryfhau capasiti cymunedol, sector a system.
- Mynd i’r afael â sbardunau sylfaenol niwed sy’n gysylltiedig â gamblo.
- Adeiladu’r sylfaen dystiolaeth ar gyfer atal yng Nghymru.
- Ymwreiddio profiad bywyd ac egwyddorion iechyd cyhoeddus Cymru drwy gydol gweithgareddau atal.
Mae’r gronfa yn annog prosiectau sy’n canolbwyntio ar atal a arweinir gan y gymuned ac sydd wedi’u gwreiddio yng nghyd-destun Cymru, gan gynnwys gweithgareddau sy’n lleihau anghydraddoldebau, yn cryfhau gwydnwch cymunedol ac sy’n cefnogi’r rheini mewn perygl mwyaf o brofi niwed sy’n gysylltiedig â gamblo.
Cymhwysedd a beth sydd ar gael
Gall mudiadau wneud cais am grantiau o hyd at £75,000 y flwyddyn am hyd at ddwy flynedd. Nid oes angen cyllid cyfatebol, a gall prosiectau gael hyd at 100% o’r costau cymwys.
Gallai cyllid gefnogi.
- Ymgyrchoedd ymwybyddiaeth gymunedol a mentrau addysg.
- Gwaith atal wedi’i dargedu gyda grwpiau risg uwch neu grwpiau heb eu gwasanaethu’n ddigonol.
- Gweithgareddau allgymorth cymunedol, gweithredu cymdeithasol a meithrin gwydnwch.
- Cefnogaeth i deuluoedd a phobl eraill sy’n cael eu heffeithio gan gamblo rhywun arall.
- Meithrin gallu’r sector gwirfoddol, partneriaethau a rhwydweithiau.
- Dulliau creadigol, digidol ac arloesol o atal.
Rhaid i bob prosiect a gyllidir gael ei gyflawni yng Nghymru, dilyn ymagwedd sy’n canolbwyntio ar atal a bod yn annibynnol o gyllid neu ddylanwad y diwydiant gamblo.
Amserlenni
- Gweminar gwybodaeth a throsolwg: 12 Awst 2026
- Ffenestr ymgeisio yn agor: 31 Awst 2026
- Ffenestr egluro ar gyfer cwestiynau sy’n ymwneud â’r cynllun: 31 Awst – 19 Hydref 2026
- Ffenestr ymgeisio yn cau: 19 Hydref 2026
- Hysbysu am y dyfarniadau grant: w/d 30 Tachwedd 2026
- Dyddiad dechrau prosiect: 7 Rhagfyr 2026
Gellir gweld amserlen fanylach yn Niwed Gamblo – Grant y Sector Gwirfoddol: Canllawiau i ymgeiswyr.
Sut i wneud cais
ellir gwneud ceisiadau trwy MAP, Porth Ceisiadau Amlbwrpas CGGC. I gofrestru a gweld y cyfleoedd cyllido presennol, ewch i map.wcva.cymru.
Cyn gwneud cais, caiff mudiadau eu hannog i ddarllen y canllawiau llawn i ymgeiswyr.
Darllenwch ganllawiau Niwed Gamblo – Grant y Sector Gwirfoddol.
Cysylltu â ni
Am gwestiynau am y broses grant a cheisiadau, cysylltwch â Thîm Grantiau CGGC: grantiauicc@wcva.cymru.
Mae’r gronfa newydd hon yn cynnig cyfle pwysig i sector gwirfoddol Cymru helpu i lunio a chyflawni dull cryfach a mwy seiliedig ar dystiolaeth o atal niwed sy’n gysylltiedig â gamblo a chefnogi lles cymunedol ledled Cymru.
Resources
Categori | Cyllid |