Gan weithio gyda phartneriaid Affrica Is-Sahara, rhaid i brosiectau wneud cyfraniad diriaethol at un o’r pedair thema ganlynol:

1. Iechyd

Rydym yn ceisio cyfrannu at y gwaith o ddiogelu iechyd a llesiant meddyliol a chorfforol cymunedau yn Affrica drwy ein grantiau. Gallai enghreifftiau o hyn gynnwys:

• Cefnogi’r gwaith o rannu gwybodaeth a sgiliau rhwng sefydliadau iechyd yng Nghymru ac Affrica fel bod y ddwy ochr yn dysgu ac yn cael budd
• Cynorthwyo gweithwyr gofal iechyd proffesiynol yn Affrica i gael ychydig o hyfforddiant a chymorth gan Gymru

2. Dysgu Gydol Oes

Byddwn ni’n cynorthwyo unigolion neu grwpiau o bobl ifanc neu oedolion yng Nghymru a/neu Affrica i ennill sgiliau a gwybodaeth. Gall enghreifftiau o hyn gynnwys:

• Cefnogi anghenion addysgol plant dan anfantais yn Affrica a rhannu’r profiad hwnnw gyda disgyblion ysgol yng Nghymru, gan gyfrannu at eu haddysg ddinasyddiaeth fyd-eang
• Chynorthwyo pobl yn Affrica i ddysgu sgiliau ymarferol / galwedigaethol / artistig er mwyn gwella eu bywoliaeth

3. Y Newid yn yr Hinsawdd a’r Amgylchedd

Byddwn yn cefnogi mentrau sy’n lleihau dirywiad amgylcheddol a cholli bioamrywiaeth yn Affrica yn ogystal â gwaith strategol ac ymarferol i leihau allyriadau nwyon tŷ gwydr ac i amddiffyn pobl rhag effeithiau’r newid yn yr hinsawdd ar gyflenwadau bwyd, y dŵr sydd ar gael neu ddiogelwch. Gallai enghreifftiau o hyn gynnwys:

• Gweithgareddau sy’n cynorthwyo ffermwyr yn Affrica i addasu i hinsawdd sy’n newid
• Prosiectau sy’n ymhél pobl yng Nghymru â materion newid hinsawdd fel y maen nhw’n effeithio ar Affrica

4. Bywoliaeth gynaliadwy

Rydyn ni’n ceisio hybu cyfleoedd bywoliaeth realistig a chynaliadwy yng Nghymru ac Affrica, gan sicrhau bod unigolion wedi’u hymyleiddio yn cael eu cynnwys mewn datblygiadau economaidd a chymdeithasol llawr gwlad. Mae’r mentrau rydyn ni’n eu cefnogi yn cynnwys:

• Mentrau cydweithredol sy’n cynhyrchu incwm ac sy’n cael eu harwain gan y gymuned sy’n cyflwyno budd i Gymru ac Affrica
• Ymgysylltu â’r cyhoedd drwy ymgyrchoedd Masnach Deg, eiriolaeth neu bolisi

Bydd ystyriaethau diogelu yn rhan o’r broses asesu, rydym yn eich annog i ymuno â hyfforddiant Hwb Cymru Africa, i’ch helpu i nodi’r holl ystyriaethau diogelu cyn i chi gyflwyno cais. Os nad yw hyn yn bosibl, bydd yn ofynnol i bawb sy’n derbyn grant fynychu hyfforddiant ar ôl dyfarnu grant.

Mae Hub Cymru Africa yn cynnig pedwar lefel o hyfforddiant:

1. Diogelu Hanfodol: i bob aelod staff, gwirfoddolwr a phartner staff sydd heb gwblhau ei hyfforddiant, neu wedi ei gwblhau dros mwy na dwy flwyddyn yn ôl
2. Diogelu i Swyddogion Diogelu ac Ymddiriedolwyr: Mae angen Hanfodion Diogelu cyn mynychu’r cwrs hwn
3. Diogelu Gloywi: i bobl sydd wedi cwblhau hyfforddiant yn y ddwy flynedd diweddarach ac sydd eisiau gloywi ei ymarfer drwy drafod astudiaethau achos
4. Diogelu Partneriaethau Iechyd: hyfforddiant sy’n benodol i bartneriaethau iechyd yn ôl y gofyn. Cysylltwch ag advice@hubcymruafrica.wales

Mae Hub Cymru Africa a CGGC hefyd yn cynnig clinig diogelu 1:1 i drafod unrhyw ran o’ch ymarfer.

I gofrestru ar gyfer cwrs hyfforddi, ewch i wefan Hyb Cymru Affrica.

I wneud cais am y cyllid, bydd angen i chi gofrestru gyda Phorth Ceisiadau Amlddefnydd CGGC (MAP). Os ydych wedi cofrestru gyda MAP o’r blaen, gallwch fewngofnodi trwy roi eich enw defnyddiwr a’ch cyfrinair ar y sgrin gartref.

Gall mudiadau gofrestru drwy fynd i’r wefan map.wcva.cymru.

Os oes angen help arnoch i gofrestru ar MAP dilynwch y fideo hwn.

Gall Hub Cymru Affrica eich cynorthwyo gyda’r gwaith o gefnogi a datblygu prosiectau a sicrhau bod gennych yr holl ddogfennau ategol cywir yn eu lle ar gyfer eich sefydliad. Maen nhw hefyd yn gallu eich helpu i chwilio am arian o ffrydiau ariannu eraill ar gyfer prosiectau sy’n cysylltu Cymru ac Affrica.

Gallwch gysylltu â thîm Datblygu a Chefnogi Hub Cymru Affrica yn: enquiries@hubcymruafrica.wales.

Mae’r canllawiau hyn wedi’u dylunio i helpu ymgeiswyr i ddeall mwy am grant Cymru ac Affrica; gan gynnwys pwy sy’n gallu gwneud cais am gyllid, pa brosiectau sy’n gallu cael eu cyllido a’r hyn sydd ei angen gan ymgeiswyr.

Ar gyfer ymholiadau cyffredinol ynghylch y broses ymgeisio, anfonwch e-bost at walesafricagrants@wcva.cymru neu ffoniwch 0300 111 0124.

I gael cymorth i ddatblygu’ch cais, cysylltwch ag advice@hubcymruafrica.wales.

Os oes gennych unrhyw gwestiynau neu os hoffech siarad â ni am eich syniad prosiect, cysylltwch â’r Tîm Grantiau ar 0300 111 0124 neu anfonwch e-bost atom yn walesafricagrants@wcva.cymru