Mae’r Gronfa Ynni Glân yn cynorthwyo mudiadau gwirfoddol yng Ngogledd Cymru i leihau allyriadau carbon a chreu arloesedd mewn ynni glân.

Statws presennol y gronfa

Mae’r gronfa yn derbyn ceisiadau ar hyn o bryd. Cynllun pum mlynedd yw hwn a chaiff ceisiadau eu derbyn ar sail dreigl hyd nes y bydd yr holl arian wedi’i ddyrannu.

Cronfa Ynni Glan Logo
Woman clears leaves from the river, part of a hydro-powered clean energy project

Ar y dudalen hon

  • Ynglŷn â’r gronfa
  • I bwy mae hwn?
  • Ein diben a’n partneriaid
  • Amserlenni
  • Sut i wneud cais
  • Cymorth arall
  • Cysylltwch â ni

Ynglŷn â’r cynllun

Mae’r Gronfa Ynni Glân yn cefnogi:

  • Gwella effeithlonrwydd ynni
  • Cynhyrchu ynni adnewyddadwy
  • Datrysiadau ynni clyfar gan gynnwys storio
  • Prosiectau ynni solar a llanw mawr
  • Gwelliannau i weithrediadau sy’n arwain at gynhyrchu llai o garbon

Bydd 50% o’r cyllid yn grant (lleiafswm: £25,000, uchafswm: £500,000), 25% yn fenthyciad di-log (hyd at £250,000), a bydd angen i’r 25% sydd ar ôl fod yn gyllid cyfatebol.

Two women from a community energy project are laughing and smiling outside a community building

I bwy mae hwn?

I fod yn gymwys ar gyfer y cynllun hwn:

  • Rhaid i’ch mudiad fod wedi’i gyfansoddi’n briodol gyda strwythur llywodraethu cymwys*
  • Rhaid i’ch mudiad fod yng ngogledd Cymru (Conwy, Sir Ddinbych, Sir y Fflint, Gwynedd, Wrecsam ac Ynys Môn) neu fod â phresenoldeb yn yr ardal hon
  • Rhaid i’r prosiect gael ei wneud o fewn gogledd Cymru

* Bydd rhagor o wybodaeth am hyn yn ein canllawiau cynllun, a fydd ar gael yn fuan. Yn y cyfamser, cysylltwch â’n tîm Buddsoddiad Cymdeithasol Cymru gydag unrhyw ymholiadau (gweler isod)

Ein diben a’n partneriaid

Mae tîm Buddsoddiad Cymdeithasol Cymru (SIC) CGGC yn gyffrous iawn o fod yn gweithio mewn partneriaeth ag Uchelgais Gogledd Cymru, Ynni Cymunedol Cymru ac Umi.

Trwy gefnogi arloesedd a seilwaith ynni glân, nod y gronfa yw gwneud gogledd Cymru yn chwaraewr allweddol yn ymdrechion y DU i drawsnewid i ynni adnewyddadwy, a chyflwyno buddion economaidd, amgylcheddol a chymdeithasol parhaol i’r ardal.

Ynglŷn â’n partneriaid

  • Caiff y cynllun hwn ei redeg gan Uchelgais Gogledd Cymru.
  • Mae CGGC yn gweithio mewn partneriaeth ag Ynni Cymunedol Cymru i gyflwyno is-gronfa’r sector gwirfoddol, gan gefnogi mudiadau gwirfoddol yng ngogledd Cymru i leihau eu hallyriadau carbon a chreu arloesedd mewn ynni glân.
  • UMi sy’n cyflwyno is-gronfa’r sector preifat, gan gefnogi busnesau i ddatblygu a gwella datrysiadau ynni glân ledled yr ardal.

Am ragor o wybodaeth am y cynllun ehangach, ewch i wefan Uchelgais Gogledd Cymru.

Amserlenni

Cynllun pum mlynedd yw hwn a chaiff ceisiadau eu derbyn ar sail dreigl hyd nes y bydd yr holl arian wedi’i ddyrannu.

Sut i wneud cais

Mae’r broses yn dechrau trwy gwblhau holiadur cymhwysedd. I gwblhau hwn, bydd angen i chi gofrestru gyda Phorth Ymgeisio Amlddiben CGGC (MAP). Os ydych wedi cofrestru gyda MAP o’r blaen, gallwch fewngofnodi drwy nodi eich enw defnyddiwr a chyfrinair ar y sgrin gartref.

Gall mudiadau gofrestru trwy fynd i’r wefan: map.wcva.cymru.

Cymorth pellach

Bydd rhagor o wybodaeth yn ein canllawiau cynllun, a fydd ar gael yn fuan. Yn y cyfamser, cysylltwch â’n tîm Buddsoddiad Cymdeithasol Cymru gydag unrhyw ymholiadau.

Cysylltu â ni

Os oes gennych ddiddordeb, cysylltwch â’n tîm Buddsoddiad Cymdeithasol Cymru am sgwrs ar 0300 111 0124 neu e-bostiwch sic@wcva.cymru.