Mae’r Pwyllgor Cyllid wedi cyhoeddi ei adroddiad ar Gyllideb Ddrafft Llywodraeth Cymru ar gyfer 2020-21.
Cyflwynodd CGGC ymateb ysgrifenedig i’r ymgynghoriad a mynd i sesiwn graffu i roi tystiolaeth lafar. Yn dilyn hyn, rydyn ni’n falch o gyhoeddi ein bod yn cytuno â nifer o argymhellion y Pwyllgor ac yn eu cefnogi. Mae’r rhain yn cynnwys:
- Ymgorffori’r Nodau Llesiant mewn cyllidebau yn y dyfodol
- Datblygu Cynllun Gwella Cyllidebau
- Deall effaith y gyllideb o ran carbon yn well
- Gwneud mwy i gynllunio sefyllfaoedd i ymateb i heriau ac ansicrwydd economaidd – fel y rheini mae’r sector yn eu hwynebu ar hyn o bryd o ganlyniad i gylchoedd cyllidebu tymor byr
- Dadansoddi gwariant ataliol o fewn y Gyllideb
- Ymgysylltu â rhanddeiliaid i ddod o hyd i ffyrdd gwell o gasglu tystiolaeth a chyfleu sut mae Llywodraeth Cymru wedi mynd ati i nodi blaenoriaethau a gwneud penderfyniadau ynglŷn â’r gyllideb.
- Datblygu strategaethau newydd i wella cyfleoedd addysg, sgiliau a chyflogaeth y bobl mwyaf difreintiedig mewn cymdeithas
Gallwch ddarllen yr adroddiad llawn yma. Mae ein hymateb i’r ymgynghoriad i’w weld yma.