Mae Utility Aid yn bodoli i helpu mudiadau nid-er-elw i ddod o hyd i ynni.

Rydym yn defnyddio ein gwybodaeth a’n profiad. Rydym yn rhagweld a datrys problemau. Uwchlaw popeth, mae pawb yn Utility Aid wedi’u huno gan eu hawydd i wneud mwy o ddaioni i’n rhanddeiliaid, ac mae hynny yn ein gwneud ni’n wahanol o ran sut ydym ni fel busnes.

Rydym wedi bod yn helpu elusennau a mudiadau nid-er-elw i leihau eu costau ynni ers dros 20 mlynedd. Ymhlith pethau eraill, mae hyn wedi cynnwys adhawlio gordaliadau, rheoli gwaith gweinyddol a chynghori ar bob mater sy’n ymwneud ag ynni. Mae ein cwsmeriaid yn cynnwys cymdeithasau tai a grwpiau cymunedol, ysgolion, eglwysi a gwasanaethau cymorth rheng flaen.

Rydym yn trin pob achos yn unigryw, gan ddefnyddio ein blynyddoedd o brofiad o weithio ar draws awdurdodau a mudiadau di-ri o bob math a maint.

Sut gallwn ni eich helpu?

• *Newid Ynni
• *Newid cyflenwr ar-lein (ar gyfer safleoedd ag un mesurydd)
• *Prynu Cyfunol
• *Rheoli Cyfrifon
• *Gwirio biliau
• *Adrodd Sero Net a Charbon

Bwciwch eich sesiwn ymgynghori am ddim!

Fel aelod o CGGC, gallwch elwa ar sesiwn ymgynghori am ddim gydag Utility Aid, waeth a oes angen cymorth arnoch i ddeall eich biliau, gwirio a ydych yn talu’r TAW cywir neu os oes angen cyngor arnoch ar ddechrau ar eich taith tuag at Sero Net.

Am ragor o wybodaeth, cysylltwch â’n Tîm Partneriaeth.

ffôn: 0808 178 2021

e-bost: SSteele@utility-aid.co.uk

Neu fel arall, anfonwch ymholiad atom yn *www.utility-aid.co.uk/contactform/WCVA

Mae Darwin Gray yn gwmni gwobrwyol o arbenigwyr cyfreithiol sy’n cynnig cyngor cyfreithiol wedi’i deilwra i unigolion a busnesau. Yn gwmni gwirioneddol Cymru gyfan, mae Darwin Gray yn falch o wasanaethu busnesau a mudiadau ledled Cymru, o’n cartrefi yng Nghaerdydd a Bangor.

Rydym yn falch o wasanaethu ein cleientiaid a chefnogi ein cymuned ac yn sicrhau bod uniondeb a thegwch wrth wraidd popeth a wnawn.

Cymorth cyfreithiol i elusennau a mudiadau’r sector gwirfoddol

Rydym yn cynrychioli llawer o fudiadau’r sector gwirfoddol a’r sector cyhoeddus, yn ogystal ag elusennau, ar hyd a lled Cymru. Yn aml, byddwn yn cynghori’r cleientiaid hyn yn Saesneg, Cymraeg neu’n ddwyieithog ac yn cynnal sesiynau hyfforddi rheolaidd i’r sectorau hyn yn benodol. Ymhlith yr enghreifftiau o sesiynau rydym wedi’u cyflwyno mae Cydraddoldeb a Hawliau yn y gwaith, Hanfodion Adnoddau Dynol a Rheoli Llinell a hyfforddiant ar Aflonyddu Rhywiol.

Hyfforddiant llywodraethu ac adnoddau dynol a gwiriadau iechyd

Yn ogystal â chynghori ar faterion sy’n ymwneud â chyfraith cyflogaeth, rydym hefyd yn cynghori elusennau a mudiadau’r sector gwirfoddol ar eu materion llywodraethu. Mae hyn yn cynnwys paratoi neu fwrw llygad dros gyfansoddiadau, erthyglau a chodau ymddygiad ar gyfer ymddiriedolwyr neu aelodau bwrdd, yn ogystal â chynghori mewn anghydfodau bwrdd.

Rydym hefyd yn cynnig ‘gwiriad iechyd’ o ddogfennau llywodraethu ac adnoddau dynol (gan gynnwys contractau a pholisïau cyflogaeth) i helpu mudiadau i sicrhau eu bod yn cydymffurfio â’u rhwymedigaethau cyfreithiol a llywodraethol a’u helpu i ddatblygu a chynnal cydberthnasau gwaith iach â’u staff.

Hyfforddiant ar gyfer ymddiriedolwyr, pwyllgorau ac aelodau bwrdd

Mae arweinyddiaeth gref a chymwys a llywodraethiant cadarn yn hanfodol i fudiadau’r sector gwirfoddol a mudiadau elusennol. Mae angen i’ch arweinwyr ddeall eu rhwymedigaethau llywodraethu a gwybod sut i roi mewnwelediad strategol a chraffu ar y mudiad mewn modd strategol. Gallwn gynnig hyfforddiant llywodraethu corfforaethol i’ch ymddiriedolwyr neu fwrdd cyfarwyddwyr, eich pwyllgor risg ac archwilio, neu eich tîm uwch-reolwyr er mwyn gwneud yn siŵr eu bod yn fwy na pharod i gyflawni eu rolau pwysig.

I gael gwybod mwy, ewch i wefan Darwin Gray.

Cafodd recruit3 ei ddatblygu yng Nghymru ar y cyd â CGGC a The Big Issue Cymru. Rydym wedi ymrwymo i ddod o hyd i bobl dalentog ac uchelgeisiol i weithio yn y trydydd sector yng Nghymru a helpu pobl i ddod o hyd i swyddi sy’n gwneud gwahaniaeth go iawn i fywydau pobl.

Drwy gyfuniad o’n gwefan, cyfryngau cymdeithasol a chyfryngau print byddwn yn dod o hyd i’r ymgeiswyr gorau ar gyfer eich swydd wag yn gyflym ac yn effeithlon. Rydyn ni’n cynnig pecynnau wedi’u teilwra i gyd-fynd â’ch cyllideb a gallwn hyrwyddo’r swydd wag yn y Gymraeg ac yn Saesneg i sicrhau eich bod yn dod o hyd i’r ymgeisydd iawn.

Mae recruit3 yn cael ei redeg ar gyfer y trydydd sector gan y trydydd sector i hyrwyddo eich swydd wag mewn ffordd gost-effeithiol ac wedi’i theilwra er mwyn sicrhau eich bod yn dod o hyd i’r unigolyn iawn ar gyfer eich mudiad.

Mae’n bleser gennym gynnig disgownt o 5% i aelodau CGGC oddi ar y pecyn recriwtio rydych chi’n ei ddewis gyda ni.

Cysylltwch â ni i drafod eich anghenion recriwtio.

Cofiwch sôn eich bod yn aelod o CGGC pan fyddwch chi’n cysylltu i gael manteisio ar eich disgownt.

Wrth i fudiadau gwirfoddol ac elusennau roi mwy o bwyslais ar ddefnyddio’r Gymraeg yn eu gweithgareddau, gall aelodau CGGC fanteisio ar brisiau gostyngol ar wasanaethau cyfieithu a chyfieithu ar y pryd gan lawer o aelodau Cymdeithas Cyfieithwyr Cymru.

I ddod o hyd i aelod all wneud hyn, ewch i wefan y Gymdeithas – https://www.cyfieithwyr.cymru/cy/dod-o-hyd-i-gyfieithydd – cliciwch ar ‘Cyfieithydd’ neu ‘Cyfieithydd ar y pryd’ ac yna ewch i ‘Cynnig Cyfieithu WCVA’. Bydd rhestr o aelodau sydd wedi nodi y gallent gynnig gwasanaeth am bris gostyngol yn ymddangos. Bydd angen i chi gysylltu â hwy yn uniongyrchol. Bydd y gostyngiadau a gynigir yn amrywio. Mater i bob cyfieithydd fydd penderfynu faint o ostyngiad i’w gynnig.

Cymdeithas Cyfieithwyr Cymru yw’r corff cenedlaethol sy’n arwain, datblygu a hyrwyddo cyfieithu proffesiynol. Hi yw’r unig gymdeithas broffesiynol ar gyfer cyfieithwyr Cymraeg/Saesneg, p’un a ydynt yn gyfieithwyr testun ynteu’n gyfieithwyr ar y pryd. Mae gan y Gymdeithas dair lefel o aelodaeth: Cyflawn a Sylfaenol ym maes cyfieithu testun, ac aelodaeth Cyfieithu ar y Pryd (CAP); yn ogystal â threfn ar gyfer cydnabod cwmnïau cyfieithu. Rhaid i bob aelod ymrwymo i God Ymddygiad Proffesiynol y Gymdeithas.

Defnyddiwch swyddfa@cyfieithwyr.cymru i gysylltu â’r Gymdeithas.

ACEVO yw Cymdeithas Prif Weithredwyr Mudiadau Gwirfoddol.

Rydyn ni’n credu bod arweinyddion effeithiol yn cael eu hysgogi drwy ddychmygu byd gwell, mwy disglair, mwy cyfartal. Drwy eu gweledigaeth maent yn ysbrydoli pobl eraill. A law yn llaw â’u timau a’u cyfoedion maent yn cael effaith – gan wella bywydau, ein cymdeithas, a’u perfformiad eu hunain.

Ochr yn ochr â’n rhwydwaith rydyn ni’n ysbrydoli ac yn helpu arweinyddion y gymdeithas sifil drwy ddarparu cysylltiadau, eiriolaeth a sgiliau. Mae ein haelodau’n cynnwys arweinyddion grwpiau bach, cymunedol, sefydliadau uchelgeisiol canolig eu maint, a chwmnïau nid er elw cenedlaethol a rhyngwladol poblogaidd.

Mae’n bleser gennym ffurfio partneriaeth â CGGC i roi cefnogaeth i arweinyddion y sector gwirfoddol yng Nghymru. Gyda’n gilydd rydym yn gweithio i roi arweiniad a gwybodaeth arbenigol drwy adnoddau a digwyddiadau yn ogystal ag yn rhoi disgownt oddi ar ein ffi aelodaeth.

Mae ein rhwydwaith o dros 1,500 o Brif Swyddogion Gweithredol ac uwch arweinyddion cymdeithasau sifil yn elwa o lu o wasanaethau wedi’u teilwra i’ch helpu a’ch datblygu chi fel arweinydd. Mae aelodau CGGC yn cael disgownt o 20% oddi ar ffi aelodaeth ACEVO.

I gael rhagor o wybodaeth, ewch i www.acevo.org.uk/join/ neu cysylltwch â ni yn membership@acevo.org.uk.

To find out more, please visit www.acevo.org.uk/join or contact us at membership@acevo.org.uk.