dyn yn gwneud cyfrifiadau ar papur

Covid-19 ac Economi Cymru – ‘Bydd angen cryn dipyn o gymorth ychwanegol ar Gymru’

Cyhoeddwyd : 19/05/20 | Categorïau: Dylanwadu |

Rydyn ni wedi ymateb i ymgynghoriad y Pwyllgor Materion Cymreig ar effaith yr achosion o goronafeirws ar economi Cymru.

Yn yr ymateb, rydyn ni wedi nodi:

  • Byddai’n well gennym weld y cyfyngiadau symud yn cael eu codi’n raddol ledled y DU, er mwyn osgoi anfanteision economaidd posibl ledled y pedair cenedl.
  • Bydd angen cryn dipyn o gymorth ychwanegol ar Gymru, yn enwedig gan ystyried y cwestiynau ynghylch effeithiolrwydd Fformiwla. Dylai Cronfa Ffyniant Gyffredin y DU fod yn offeryn hanfodol i ddarparu hwn, ond Llywodraeth Cymru ddylai ei gweinyddu.
  • Rydyn ni wedi nodi’r angen am ragor o gymorth i’r mudiadau gwrfoddol hynny sy’n cefnogi’r diwydiant twristiaeth, gan gynnwys mudiadau natur a chefn gwlad, yn ogystal â’r diwydiant twristiaeth ei hun.
  • Bydd angen rhagor o gymorth ar seilwaith a gwasanaethau a gweithgareddau rheng flaen y sector er mwyn harneisio ymdrechion ein cymunedau.
  • Mae’r argyfwng wedi amlygu anghydraddoldebau a oedd yn bodoli eisoes mewn cymdeithas, fel y rheini a wynebir gan grwpiau Pobl Dduon a Lleiafrifoedd Ethnig, ffoaduriaid a cheiswyr lloches.
  • Nid yw cyfathrebu eglur a hygyrch erioed wedi bod mor bwysig.
  • Dylid cytuno ar drefniadau ar lefel genedlaethol er mwyn galluogi llwybrau i’r sector cyhoeddus gydweithio gyda’r sector gwirfoddol, a chryfhau ei allu i ymateb i argyfyngau yn y dyfodol.
  • Mae elusennau canolig eu maint yn cael eu hanghofio yn y strwythur cymorth sy’n cael ei gynnig.
  • Bydd darparu gwasanaethau ar gyfer cymunedau ar ôl yr argyfwng yn gofyn am ffordd arall o gysylltu ac ymhél â’r cymunedau eu hunain. Er mwyn gwneud hyn, bydd angen adnoddau, cynllunio a chymorth.
  • Ar ôl yr argyfwng, bydd angen canolbwyntio ar ofal yn agosach at adref neu yn y cartref neu’r gymuned.
  • Dylai Llywodraeth Cymru sicrhau cyflog ac amodau gwaith teg i’r rheini yn y sector gofal.
  • Dylai Llywodraeth Cymru fod yn gweithio gydag elusennau ac asiantaethau arbenigol yn cefnogi’r rheini a dderbyniodd llythyrau gwarchod, ac yn yr elusennau sy’n gweithio gyda’r grŵp agored i niwed ehangach.

Gallwch ddarllen yr ymateb llawn yma a gweld archif o’n hymatebion i hen ymgynghoriadau yma.

Hoffem ddiolch i’r holl fudiadau a gyfrannodd at yr ymateb hwn.

Newyddion cysylltiedig

Cyhoeddwyd: 02/03/22 | Categorïau: Dylanwadu |

Bydd y Ddeddf Elusennau yn arwain at newidiadau i elusennau yng Nghymru

Darllen mwy

Cyhoeddwyd: 06/01/22 | Categorïau: Dylanwadu | Newyddion |

Dychmygu Dyfodol… Imagining Futures

Darllen mwy

Cyhoeddwyd: 11/11/21 | Categorïau: Dylanwadu |

‘A Beth am Gymru?’ – ymchwil newydd ar elusennau’r DU yng Nghymru

Darllen mwy