Rydyn ni’n dathlu 20 mlynedd o Fuddsoddiad Cymdeithasol Cymru, ac yn rhannu storïau ysbrydoledig o’r pethau gweddnewidiol y mae mudiadau gwirfoddol wedi’u gwneud gyda chyllid ad-daladwy.
Rydyn ni’n dathlu 20 mlynedd! Mae mudiadau gwirfoddol sydd wedi’u cyllido gan Fuddsoddiad Cymdeithasol Cymru wedi gwneud gwahaniaeth enfawr yng Nghymru, ymunwch â ni wrth i ni ddathlu 20 mlynedd o fenthyca cymdeithasol a’n rhan ni yn y storïau ysbrydoledig hyn.
‘Mi fysa’r gymuned wedi fwy neu lai chwalu’
Fel rhan o ddathliadau 20 mlynedd Buddsoddiad Cymdeithasol Cymru, gwnaethom ni siarad â Thafarn yr Iorwerth a oedd wedi defnyddio cyllid ad-daladwy i achub y cyfleusterau cymunedol pwysig hyn sydd gymaint yn fwy na dim ond tafarn.
'Gallwch chi weld yr effaith yn y cymunedau lleol'
Dyma stori The CAE, mudiad sy’n cefnogi pobl o gymunedau ethnig lleiafrifol i sefydlu eu busnesau eu hunain, dod yn weithgar yn economaidd a bod yn rhan o’r gymuned leol.
‘Y wên a’r llawenydd sy’n dweud y stori go iawn’
Wrth i ni ddathlu 20 mlynedd o Fuddsoddiad Cymdeithasol Cymru, dyma Alun Jones i adrodd y stori o sut dechreuodd popeth a pham ei fod yn parhau i’n codi ni o’n gwlâu.
Ar y dudalen hon:
- Ynglŷn â Buddsoddiad Cymdeithasol Cymru
- Cysylltu â ni
- Benthyciadau Pontio ac Adeiladu
- Cronfa Ynni Glân
- Cronfa Benthyciadau Asedau Cymunedol
- Ein cronfeydd presennol a chymhwysedd
- Gwasanaeth newid cyflenwr ynni
- Cynlluniau blaenorol
Ynglŷn â Buddsoddiad Cymdeithasol Cymru
Rhoi arian ar waith mewn cymunedau
Mae Buddsoddiad Cymdeithasol Cymru (SIC) yn rhoi cymorth ariannol i fentrau cymdeithasol yng Nghymru trwy amrediad o grantiau a benthyciadau.
Rydyn ni’n buddsoddi mewn mudiadau sydd eisiau cynhyrchu mwy o incwm neu ehangu eu hamrediad o wasanaethau, a mudiadau sydd wedi cael trafferth cael cyllid grant ar gyfer prosiectau newydd yn y gorffennol.
(Llun: Casglu gwobr Social Enterprise UK am Fargen Mentrau Cymdeithasol y Flwyddyn. Ni oedd yr enillwyr yn 2017 a 2025)
Siaradwch â ni cyn gwneud cais
Oes gennych chi brosiect mewn golwg ac yn credu y gallem ni ei gyllido? Cysylltwch â thîm Buddsoddiad Cymdeithasol Cymru yn CGGC i siarad am eich syniadau a gweld a allech fod yn gymwys i gael cyllid.
Ein cronfeydd presennol
Ydych chi’n gymwys i gael cyllid?
- Yng ngŵydd hinsawdd ariannol heriol, mae’r cynllun Benthyciad Pontio ac Adeiladu yn helpu mudiadau gwirfoddol yng Nghymru i ailstrwythuro neu newid y ffordd y maen nhw’n gweithredu.
- Mae’r Gronfa Ynni Glân yn cynorthwyo mudiadau gwirfoddol yng Ngogledd Cymru i leihau allyriadau carbon a chreu arloesedd mewn ynni glân.
- Wedi’i chyllido gan Lywodraeth Cymru, mae’r Gronfa Benthyciadau Asedau Cymunedol yn cynnig benthyciadau ariannol i grwpiau sy’n ceisio dod ag eiddo o dan berchnogaeth gymunedol.
- Mae’r Gronfa Fuddsoddi Cymunedol yn gronfa fenthyciadau i fusnesau cymdeithasol sydd eisiau ehangu, cynhyrchu mwy o incwm neu brynu ased. Ein nod yw benthyca pan na fydd benthycwyr traddodiadol yn fodlon gwneud hynny.
- Mae Cronfa Micro Fenthyciadau Cymru wedi’i chyllido trwy Fanc Datblygu Cymru i gefnogi mentrau bach a chanolig drwy ’ficro’ fenthyciadau bach.
- Mae Bwrsariaeth Arweinyddiaeth Walter Dickie yn wobr flynyddol o £2,500 i gefnogi unigolion yn y sector gwirfoddol i ddatblygu eu sgiliau arweinyddiaeth.
Gwasanaeth Newid Cyflenwr Ynni
Mae ein cyflenwr dibynadwy, Utility Aid, wedi lansio gwasanaeth newid cyflenwr newydd i’ch helpu chi i gymharu prisiau ynni. Gall mudiadau gwirfoddol ddefnyddio’r gwasanaeth i gael mynediad di-oed at ddyfynbrisiau cyfleustodau masnachol o restr o gyflenwyr dibynadwy sydd wedi cael eu credyd wedi’u dilysu.
Mae’r gwasanaeth hefyd yn ddefnyddiol os ydych chi’n prynu eiddo newydd ar gyfer eich mudiad ac eisiau amcangyfrifo’r costau rhedeg; gall eich helpu i greu cynllun busnes neu lunio cyllideb ar gyfer eich cais am fenthyciad.
Am ragor o wybodaeth, ewch i switching.utility-aid.co.uk (Saesneg yn unig).
Cynlluniau blaenorol
Chwilio am rywbeth rydyn ni wedi’i rhedeg yn y gorffennol? Edrychwch ar ein rhestr o gynlluniau blaenorol.
Cysylltu â ni
Os oes diddordeb gennych chi, cysylltwch â ni am sgwrs gychwynnol drwy ffonio 0300 111 0124 neu e-bostio buddsoddiadcymdeithasolcymru@wcva.cymru.