Mae Gwobrau Chwaraeon Amrywiaeth Ethnig Cymru (WEDSA) nôl am 2025, a dyma’ch cyfle chi i brynu tocynnau ar gyfer y digwyddiad.
NÔL AM 2025
Mae WEDSA yn dathlu athletwyr, hyfforddwyr, gwirfoddolwyr ac ysgogwyr newid sy’n chwalu rhwystrau ac yn creu tirwedd chwaraeon mwy cynhwysol ar hyd a lled Cymru. Mae’n fenter arloesol yng Nghymru, yn llwyr ganolbwyntio ar arddangos cyflawniadau unigolion a grwpiau ethnig leiafrifol.
Waeth a ydynt yn chwalu rhwystrau, yn gyrru cynhwysiant neu’n ysbrydoli pobl eraill, mae’r ysgogwyr newid hyn yn haeddu cael eu gweld, eu clywed a’u canmol.
Ar ôl llwyddiant y seremoni wobrwyo gychwynnol yn 2023, maen nhw nôl fel platfform i daflu goleuni llachar ar bobl, gan ganiatáu iddynt lewyrchu fel ffigyrau ac esiamplau ysbrydoledig o fewn eu cymunedau priodol.
Gyda’r nod o gyfrannu at weledigaeth Chwaraeon Cymru am genedl egnïol lle gall pawb fwynhau chwaraeon drwy gydol eu hoes, mae WEDSA eisiau creu cymdeithas fywiog lle gall unigolion o bob oed fwynhau chwaraeon drwy gydol eu hoes. Maen nhw eisiau sicrhau bod chwaraeon yn hygyrch, yn gynhwysol ac yn fforddiadwy, heb adael neb ar ôl.
Ymunwch â nhw wrth iddynt ddathlu’r cyfraniadau y mae unigolion a chymunedau ethnig amrywiol wedi’u gwneud o fewn y maes chwaraeon yng Nghymru.
MANYLION Y DIGWYDDIAD
Gwobrau Chwaraeon Amrywiaeth Ethnig Cymru 2025
Dydd Gwener 5 Rhagfyr, 6pm – 11pm
ICC Cymru, Casnewydd
Dewch i fwynhau noson o gydnabyddiaeth, storïau a chysylltiad. Ym mhris y tocyn fydd pryd bwyd tri chwrs blasus ac adloniant byw a fydd yn cynnwys:
- Perfformiad ar Dhol
- Perfformiad o ddawns glasurol o India
- Perfformiad o Capoeira
- Profiad camera 360° i ddal eich adegau gorau!
Mae hon yn fwy na noson wobrwyo, mae’n ddathliad o amrywiaeth, rhagoriaeth ac ysbryd cymunedol mewn chwaraeon Cymru. Trwy brynu tocyn, rydych chi’n gwneud mwy na dangos eich wyneb – rydych chi’n dangos eich bod o blaid tegwch.
Archebwch eich tocynnau nawr: https://luma.com/m51zp71w
RHAGOR O WYBODAETH AM WEDSA
Eisiau gwybod mwy am WEDSA? Darllenwch y myfyrdod hwn ar ddigwyddiad Pan Ddaw’r Pencampwyr Ynghyd y llynedd gydag enillwyr Gwobrau 2023.